Ляганэлія

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ляганэлія
Loganellia scotica fossil and model.jpg
Клясыфікацыя
Царства Жывёлы
Падцарства Эўмэтазоі
Разьдзел Білятэральныя
Падразьдзел Другаснаротыя
Тып Хордавыя
Надкляса Бяссківічныя
Кляса Тэлядонты
Атрад Ляганэліевападобныя
Сямейства Ляганэліевыя
Род Ляганэлія
Бінамінальная намэнклятура
Loganellia

Ляганэлія (Loganellia) — вымерлы род бяссківічных рыбападобных, які існаваў з раньняга сылюру да раньняга дэвону. Шматлікія рэшткі ляганэліяў вэнлёцкага веку знойдзеныя ў сьвідравінах Астравецкага раёну. 1 Акрамя Беларусі, вядомы з адкладаў Летувы, Латвіі, Эстоніі, Швэцыі, Нарвэгіі, Вялікай Брытаніі, Нямеччыны, Польшчы, Расеі, Грэнляндыі і Канады. Род налічвае больш за 10 відаў, сярод якіх з тэрыторыі Беларусі вядомыя Loganellia grossi і L. einari.

Галаўная луска круглая або авальная, цэнтральная частка паверхні кроны гладкая. Стасоўна высокая крона складалася з цэнтральнай рамбападобнай плоскай ці жолабападобнай часткі і вузейшых ды карацейшых рэбраў з бакоў. Пульпарнае паглыбленьне й адтуліна пульпарнага каналу разьмешчаныя ля задняга краю асновы. Дэнтынавыя канальцы стасоўна вузкія, разгалінаваныя, адкрываліся ў пульпарнае паглыбленьне, пульпарны канал ці на паверхні асновы. На тулаве луска падоўжаная, рамбападобная або клінападобная, у некаторых відаў без пульпарнага каналу, на месцы якога знаходзяцца больш шматлікія й шырокія дэнтынавыя канальцы.

Лічыцца, што ляганэлія зьяўлялася больш роднаснай сківічным, чым канадонты. Гэты род мог зьяўляцца першым, чыі дэнтальныя структуры былі набліжаныя да сучасных зубоў большасьці хрыбетных.

Літаратура[рэдагаваць | рэдагаваць крыніцу]

  • Ископаемые позвоночные России и сопредельных стран. Бесчелюстные и древние рыбы. М., 2004. — С. 23-29.

Вонкавыя спасылкі[рэдагаваць | рэдагаваць крыніцу]