Марадунка (Xenus cinereus) — птушка зь сямейства бакасавых, дробны кулік. Распаўсюджаная ва Ўсходняй Эўропе і Сыбіры, большай часткаю на тэрыторыі Расеі. Тыповая пералётная птушка, гняздуе ў тропіках уздоўж марскіх берагоў Афрыкі, Азіі і Аўстралазіі. Сярод іншых дробных кулікоў вылучаецца выгнутай угару дзюбай і вялікай рухавасьцю. У адрозьненьне ад мноства іншых відаў пры зьяўленьні чалавека не хаваецца, а наадварот прыцягвае да сябе ўвагу, седзячы на якой-небудзь узвышанай кропцы, напрыклад галінцы дрэва, пагружанай у ваду. Харчуецца дробнымі бесхрыбетнымі, у першую чаргу казуркамі й іхнімі лічынкамі, а таксама малюскамі і ракападобнымі. Занесены ў Чырвоную кнігу Рэспублікі Беларусь са статусам уразьлівага віду (III катэгорыя).
.jpg)
_(8079446567).jpg)
