Край паданьняў

«Край паданьняў» — дэбютны альбом гурту «Адарвірог», быў выдадзены 2 ліпеня 2017 году.

Край паданьняў
Дэбютны Альбом Адарвірога
Выдадзены	2017
Жанр	Мэладычны Фолькавы мэтал
Працягласьць	56:26

Пра героя песьняў

Адарвірог — гэта імя галоўнага лірычнага героя, які бярэ ўдзел амаль у кожным паданьні. Але, зразумела, ён існуе не ў нейкі пэўны час, а праносіцца скрозь гісторыю. Ён ведае, што павінен удзельнічаць у бітвах, што выйдзе зь іх пераможцам і будзе да апошнага змагацца за тое, што яму дорага.Разам з Тадэвушам Касьцюшкам Адарвірог абараняе краіну й памірае пад царскай карцеччу ў імя свайго народу ў 1863 годзе. Ён згарае ад полымя каханьня падчас эпідэміі Харэі. Мужны Адарвірог шукае каханую ў падпаленым Іванам Жахлівым Полацку й ​​заўсёды ідзе насуперак развазе і сьмерці — ідзе «Скрозь Пекла». Ён заўсёды на крок наперадзе, ён здольны змагацца за тое, за што варта змагацца.

Адарвірог — алегарычны пэрсанаж. Ён зьяўляецца прататыпам беларускага народу: моцнага, стойкага, нязломнага, гераічнага. Народу, які стагодзьдзе за стагодзьдзем змагаўся за свае ідэалы, за самавызначэньне, за тое, што мае найвялікшы кошт для кожнага чалавека. Адарвірог — гэта архітып, які ёсьць у кожнай гісторыі і бітве. Нарэшце, гэта той чалавек, якім музыкі жадаюць бачыць кожнага беларуса. Сьмелы ды адважны, але які не забывае й  на весялосьць ды гулянкі. Бо ідэальных народаў і людзей не існуе.

Запіс

• Nerv-Records (Вітаўт Кашкурэвіч) — запіс.
• Sickbay Sound (Кірыл Бяспалаў) — зьвядзеньне, майстарынг.
• Уладзіслаў Мароз — графічнае аздабленьне ды дызайн.

Акрамя сучаснага складу гурта, у запісе прымалі ўдзел:

• Вячаслаў Варабей — бас-гітара (акрамя «Адарвірог»)
• Кацярына Філіповіч — скрыпка («Харэя»)
• Аляксей Рубчэня — сола-гітара («Пан Манэліг»)
• Артур Мацьвеенка — вісл (“Балада пра Паўстанца Ваўкалаку”, “1863”, “Зорны Шлях»)
• Мікалай Кісялёў — віялянчэль («Харэя»)
• Аляксей Дораш — віялянчэль («Зорны Шлях»)
• Натальля Рэпіч, Уладзіслаў Гавароўскі, Вера Даражэнкава — бэк-вакал («Забі Выратавальніка»)

Зьмест

№	Назва	Працягласьць
1.	«Вясновая»	01:45
2.	«Адарвірог»	03:51
3.	«Пераварацень»	03:36
4.	«Баллада пра паўстанца Ваўкалаку»	05:10
5.	«Забі Выратавальніка»	04:31
6.	«Песня беларускіх жаўнераў»	04:32
7.	«Скрозь пекла»	06:00
8.	«Лісоўчыкі»	04:20
9.	«Харэя»	05:06
10.	«Адарвірог II (From Hell with Love)»	04:25
11.	«1863»	04:52
12.	«Зорны шлях»	02:43
13.	«Пан Манэліг»	05:35
56:26

Крыніцы

Пра альбом на «Encyclopedia Metallum»

• Пра дэбютны альбом
• Рэцэнзія на альбом «Край паданьняў»
• Рэцэнзія