Копэр (футбольны клюб)
| Копэр | |
 | |
| Заснаваны | 1955 |
|---|---|
| Горад | Копэр, Славенія |
| Стадыён | Баніфіка Умяшчальнасьць: 4047 |
| Галоўны трэнэр | |
| Чэмпіянат | Першая ліга |
| · 2025—2026 | 2 месца |
| Афіцыйны сайт | |
«Копэр» (па-славенску: Koper) — славенскі футбольны клюб з гораду Копэру. Заснаваны ў 1920 годзе. Чэмпіён Славеніі (2010), чатырохразовы ўладальнік Кубка Славеніі (2006, 2007, 2015, 2022) і двухразовы ўладальнік Супэркубка Славеніі (2010, 2015).
Гісторыя
[рэдагаваць | рэдагаваць код]Клюб быў утвораны ў 1920 годзе пад назвай «Кападыстрыяна»[2]. Каманда тады складалася з студэнтаў, рабочых і рыбакоў. У сярэдзіне 1930-х гадоў назва клюбу была зьмененая «Лібэртас»[2].
Па Другой сусьветнай вайне клюб стаў часткай большай спартовай асацыяцыі і быў перайменаваны ў «Аўрора»[2]. Да 1948 году ў раёне Копэру дзеялі пяць клюбаў, сярод якіх былі «Аўрора», «Мэдуза», «Партызан», «Эдыліт» і «Адрыя»[2]. У 1955 годзе «Аўрора» і «Мэдуза» аб’ядналіся, утварыўшы «Копэр»[2]. Клюб выступаў пад гэтай назвай у розных югаслаўскіх лігах да 1991 году і быў адным з найбольш пасьпяховых славенскіх клюбаў. Па абвяшчэньні незалежнасьці Славеніі «Копэр» пачаў спаборнічаць у славенскай Першай лізе. На пачатку 1990-х гадоў клюб дасягаў пасярэдніх вынікаў. Да канца 1990-х гадоў каманда ажно двойчы паніжалася ў другі дывізіён, а сам клюб зьведаў сур’ёзныя фінансавыя праблемы. З надыходам новага тысячагодзьдзя «Копэр» стабільна займаў месцы ў верхняй палове табліцы. У 2002 годзе клюб браў удзел у Кубку Інтэртота УЭФА 2002 году, які стаў першым міжнародным турнірам каманды. Затым рушылі два гады пасярэдніх вынікаў і значных фінансавых цяжкасьцяў, часткова таму, што былы ўладальнік Георг Субан пакінуў клюбу вялікія даўгі і забраў палову каманды, перайшоўшы ў іншы клюб.
Заўзятары ўзялі кантроль над клюбам і спрабавалі палепшыць ягоны фінансавы стан, каб уратаваць ад банкруцтва, як гэта адбылося з трыма іншымі буйнымі славенскімі клюбамі. У сэзоне 2005—2006 гадоў Младэн Руданя вярнуўся ў клюб і прывёў з сабой сэрбска-амэрыканскага бізнэсоўца Мілана Мандарыча, які закрыў усе пазыкі. Пасьля першай паловы сэзону, да прыходу новага патрона, «Копэр» змагаўся за выжываньне, але ў другой частцы сэзону, з новым трэнэрам Мілівоем Брачунам, клюб распачаў сэрыю без паразаў, якая дазволіла яму заняць трэці радок у лізе, а таксама ўпершыню здабыць Кубак Славеніі. Гэта таксама дало камандзе права ўдзельнічаць у кваліфікацыйных раўндах Кубка УЭФА ў сэзоне 2006—2007 гадоў. Наступныя сэзоны былі больш складанымі, і ў 2009 годзе клюб ледзь пазьбег паніжэньня. У сэзоне 2009—2010 гадоў каманда была ўзмоцненая і пад кіраўніцтвам вэтэрана Мірана Паўліна ўпершыню выйграла чэмпіянат Славеніі.