Квант суцяшэньня

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Квант суцяшэньня
Quantum of Solace
Quantum of Solace Logo.svg
Жанр баявік
Рэжысэр Марк Фостэр
Прадусар Майкл Вілсан
Барбара Браколі
Сцэнарыст Ен Флемінг (раман)
Майкл Ўілсан
Пол Гагіс
Ніл Пэрвіс
Робэрт Ўэйд
У ролях Дэніел Крэйг
Мат’ё Амальрык
Вольга Курыленка
Джэма Артэртан
Джудзі Дэнч
Джэфры Райт
Еспэр Крыстэнсэн
Джанкарлё Джаніні
Кампазытар Дэйвід Арнолд
Апэратар Рабэрта Шэфэр
Мантаж Мэт Шэс
Вытворчасьць Sony Pictures
Metro-Goldwyn-Mayer
Columbia Pictures
Дата выхаду 2008
Час 106 хвіліна
Краіна Вялікабрытанія
ЗША
Мова ангельская мова
Бюджэт $225 млн
Прыбытак 586 090 727 амэрыканскі даляр[1]
Старонка на IMDb
Афіцыйны сайт

«Квант суцяшэньня» (па-ангельску: Quantum of Solace) — 22-і фільм з сэрыі фільмаў пра ангельскага агента Джэймза Бонда, заснаваны на адным з аповедаў Ена Флемінга. Агент 007, чыю ролю выконвае Дэніел Крэйг, адпраўляецца на пошукі забойцаў Вэспэр, і высьвятляе, што яе шантажавалі. Рэжысэр фільму — Марк Форстэр. Сцэнар напісаны, у прыватнасьці, ляўрэатам прэміі «Оскар» Полам Гагісам

Прэм’ера фільму адбылася 29 кастрычніка 2008 г. у Вялікабрытаніі.

Сюжэт[рэдагаваць | рэдагаваць крыніцу]

Information icon.svg Увага: ніжэй знаходзіцца зьмест, які раскрывае сюжэт твору.

Пасьля здрады Ўэспэр агент 007 дужаецца з жаданьнем ператварыць апошняе заданьне ў асабістую вэндэту. У пошуках ісьціны Бонд і М дапытваюць Містэра Ўайта, ад якога дазнаюць, што Арганізацыя, якая шантажавала Ўэспэр, нашмат складанейшая і небясьпечнейшая, чым можна было падумаць.

Судмэдэкспэрты Mi6 усталёўваюць сувязь Ўэспэр з ананімным банкаўскім рахункам на Гаіці. Тамака Бонд выпадкова знаёміцца з баявой дзяўчынай Камілай, якая таксама прагне помсты. Праз Камілу Бонд выходзіць на Дамініка Грына, жорсткага бізнэсмэна і не апошняга чалавека ў Арганізацыі.

Пабываўшы ў Аўстрыі, Італіі і Паўднёвай Амэрыцы, Бонд дазнаецца пра сумесную змову Грына і генэрала Мэдрана з мэтай усталяваньня кантролю над сусьветнымі запасамі нафты. Выкарыстоўваючы магчымасьці Арганізацыі і адданых яму людзей у ЦВК і брытанскай выведцы, Грын абяцае генэралу зрынуць існы рэжым у выдуманай лацінаамэрыканскай краіне ў абмен на, здавалася б, пустынны ўчастак зямлі.

Бонд зьвяртаецца па дапамогу старых сяброў, каб усталяваць ісьціну. Чым бліжэй да высьвятленьня асобы чалавека, які пхнуў Ўэспэр на здраду, тым складаней Бонду быць на крок наперадзе ЦВК, тэрарыстаў і нават М, каб раскрыць злачынны плян Грына і спыніць яго Арганізацыю.

Information icon.svg Тут скончваецца зьмест, які раскрывае сюжэт твору.

У ролях[рэдагаваць | рэдагаваць крыніцу]

  • Дэніел Крэйг — Джэймз Бонд
  • Мат’ё Амальрык — Дамінік Грын галоўны злыдзень фільму, які прыкрываецца пад выглядам «добрага хлопца, які працуе ў вобласьці экалёгіі, расьлін, дрэваў і ўкладвае дабрачынныя сродкі ў навуку аб навакольным асяродзьдзі».
  • Вольга Курыленка — Каміла, дзяўчына Бонда.
  • Гема Артэртан — Філдс агент MІ-6 якая працуе консулам у балівійскім пасольстве. Гема была абраная на ролю з 1500 кандыдатак.
  • Джудзі Дэнч — М глава брытанскай сакрэтнай службы MІ-6, начальнік Бонда.
  • Джэфры Райт — Фэлікс Лэйтэр саюзьнік Бонда з Цэнтральнай разьведвальнай ўправы, які дапамагаў у казіно Раяль. Гэта будзе другі раз, калі ролю Фэлікса Лэйтэра выконвае адзін і той жа актор два разы запар.
  • Еспэр Крыстэнсэн — Містэр Ўайт працаўнік таемнай арганізацыі, які выкраў выйграныя грошы Бонда ў казіно Раяль.
  • Джанкарлё Джаніні — Рэнэ Матыс францускі падвойны агент, які дапамагаў Бонду ў Чарнагорыі раскрываць Ле Шыфра, таксама працаваў на Містэра Ўайта.

Крыніцы[рэдагаваць | рэдагаваць крыніцу]

  1. ^ Box Office Mojo — 1999.

Вонкавыя спасылкі[рэдагаваць | рэдагаваць крыніцу]