Касьцёл Сьвятой Ганны (Варонча)
Каардынаты: 53°24′47.00″ пн. ш. 26°03′36.00″ у. д. / 53.4130556° пн. ш. 26.06° у. д.
Касьцёл сьвятой Ганны ў Варончы — позьнеклясыцыстычны барочны храм, на паўднёва-заходняй ускраіне вёскі.
Гісторыя
- 1773 (паводле іншых зьвестак — 1781 або 1809): пабудаваны па фундацыі наваградзкага ваяводы Юзафа Несялоўскага, асьвячоны віленскім біскупам Ігнаціем Масальскім.
- 1816: фундатар пахаваны ў крыпце касьцёла.
- 1943: спалены савецкімі партызанамі.
- 1950-я: часткова ўзарваны.
- 1995: служба адноўленая, касьцёл адбудаваны.
У касьцёлы былі хрышчоныя Ян Чачот і Марыля Верашчака — каханая Адама Міцкевіча. Марыля тутака ж узяла шлюб з графам Ваўжынцам Путкамерам. Каля касьцёла знаходзяцца 4 магілы Булгакаў.
Архітэктура
Храм ўяўляе сабой мураваную трохнэфавую, двухвежавую базыліку ў сымбіёзным барочна-клясыцыстычным стылі. Галоўны фасад з шасьцікалённым порцікам, завершаны антаблемэнтам, флянкіраваны дзьвюма трох’яруснымі купальнымі вежамі з трохкутным франтонам паміж імі. У інтэр’еры — росьпіс на архітэктурныя матывы.
З тылу касьцёлу ўмураваная фундацыйная табліца з гербам Юзафа Несялоўскага і яго жонкі з роду Масальскіх.
Пробашчы
- а. Януш Вітоўскі.
Літаратура
- Варонча. Касцёл святой Ганны // Кулагін А. М. Каталіцкія храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мн.: БелЭн, 2001. — 216 с.: іл. ISBN 985-11-0199-0. С. 22
Вонкавыя спасылкі
Касьцёл Сьвятой Ганны (Варонча) — сховішча мультымэдыйных матэрыялаў