Прагляд крыніцы для Зорныя войны. Эпізод VI: Вяртаньне джэдая

{{Фільм
|назва        = Зорныя войны. Эпізод VI:<br>Вяртаньне джэдая
|арыгназва    = Star Wars Episode VI: Return of the Jedi
|выява        = ReturnOfTheJediPoster1983.jpg
|памер        = 250пкс
|подпіс       = 
|жанр         = [[кінафантастыка]]
|рэжысэр      = [[Рычард Маркўанд]]
|прадусар     = [[Говард Казанчыян]]
|сцэнарыст    = [[Джордж Лукас]]
|дыктар       = 
|ролі         = {{просты сьпіс|
* [[Марк Гэміл]]
* [[Гарысан Форд]]
* [[Кэры Фішэр]]
* [[Білі Ды Ўільямз]]
* [[Энтані Дэніелз]]
* [[Дэйвід Проўз]]
* [[Пітэр Мэйг’ю]]
* [[Фрэнк Оз]]
* [[Кені Бэйкер]]
}}
|кампазытар   = [[Джон Ўільямз]]
|апэратар     = 
|мантаж       = {{просты сьпіс|
* [[Шон Бартон]]
* [[Марсія Лукас]]
* [[Рычард Чу]]
}}
|вытворчасьць = [[Lucasfilm]]
|дата         = 25 траўня 1983
|час          = 136 хв. (арыгінальная вэрсія)
|мова         = ангельская
|краіна       = [[ЗША]]
|бюджэт       = $32,5 млн 
|прыбытак     = ${{лік|475106177}} <small>(па сьвеце)</small>
|папярэдні    = [[Зорныя войны. Эпізод V: Імпэрыя наносіць удар у адказ]]
}}
«'''Зорныя войны. Эпізод VI: Вяртаньне джэдая'''» ({{Мова-en|Star Wars Episode VI: Return of the Jedi}}) — эпічны навукова-фантастычны фільм амэрыканскага рэжысэра [[Джордж Лукас|Джорджа Лукаса]]. Гэта трэці фільм па ліку зь першай трылёгіі кінасагі «[[Зорныя войны]]» і шосты храналягічна. Прэм’ера фільму адбылася 25 траўня 1983 року. Бюджэт фільму склаў $32,5 млн. А па сьвеце фільм сабраў каля $475,1 млн.

== Сюжэт ==
На шостым [[фільм]]е скончваецца кінасага «Зорныя Войны», а таксама першая й арыгінальная трылёгія. Дзея ў апошнім фільме адбываецца недзе праз адзін рок пасьля падзеяў [[Зорныя войны. Эпізод V: Імпэрыя наносіць удар у адказ|пятага эпізоду]]. Сябры [[Хан Сола|Хана Сола]] накіроўваюцца на [[плянэта|плянэту]] [[Татуін]], каб уратаваць свайго сябра з палону [[Джаба Хат|Джабы Хата]]. [[Люк Скайўокер]] дасылае нібы ў падарунак Джабу двух [[Дроід (Зорныя войны)|дроідаў]]: [[R2-D2]] й [[C-3PO]] з мэтай памяняць іх на Хана.
[[Файл:Tatuin.jpg|200пкс|значак|зьлева|R2-D2 й C-3PO ля палацу Джабы]]
Але ж Джаба Хат кантрабандыст і злодзей, ён не зьбіраецца выконваць патрабаваньні Люка й забірае дроідаў сабе. Празь нейкі час у палацы Джабы зьяўляецца [[Лея Аргана|прынцэса Лея]], пераапранутая ў тамтэйшую пачвару. Лея пад выглядам найміта прыводзіць да Джабы [[Чубака|Чубаку]]. Джаба сквапны і зусім ня кемлівы кантрабандыст, ён нават і не падазрае, што зь ім гуляюць у гульню, якую прыдумаў Люк. Сам Люк не прымусіў сябе доўга чакаць і прыйшоў на наступны дзень, каб вярнуць сваіх сяброў і забіць Джабу. Але ж і Люк трапляе ў пастку Джабы. Апошні ўпэўнены ў сваёй перамозе над Ханам і яго сябрамі, Джаба загадвае забіць іх. І гэтая воля Хата становіцца апошняй для яго. Бясслаўнае жыцьцё вялікага кантрабандыста скончваецца пад час зьдзяйсьненьня ягонага ж загаду: Лея, скарыстаўшыся момантам, накідвае на шыю Джабу ланцуг і забівае яго. Люк вяртаецца на плянэту [[Дагоба]] да магістра [[Ёда|Ёды]], каб працягнуць навучаньне. Ёда перад сьмерцю распавядае Люку пра яшчэ аднаго Скайўокера. Гэта, напэўна, адзін з самых кранальных момантаў у фільме нароўні з момантам, калі Дарт Вэйдэр у пятым эпізодзе прызнаецца Люку у бацькоўстве. Адразу пасьля сьмерці Ёды Люк чуе голас [[Обі-Ван Кенобі|Обі-Вана]]. Обі-Ван кажа Люку, што Ёда меў на ўвазе ягоную сястру [[Лея Аргана|Лею]].

А тым часам [[Паўстанцкі альянс|Паўстанцы]] рыхтуюць атаку на новую і яшчэ больш моцную [[Зорка сьмерці|Зорку сьмерці]]. Частка паўстанцаў разам зь Люкам, Леяй, Ханам і двума [[Дроід (Зорныя войны)|дроідамі]] накіроўваецца на лясную плянэту [[Эндар]], побач зь якой на арбіце будуецца новая Зорка сьмерці. На плянэце Люк распавядае Леі праўду, якую даведаўся сам, і адлучаецца ад іх групоўкі, каб сустрэцца з сваім бацькам і [[Палпатын|Імпэратарам]]. Паўстанцы на плянэце атакуюць бункер, у якім знаходзіцца ўстаноўка для энэргетычнага шчыта Зоркі сьмерці, а [[Адмірал Акбар]] разам з флётам паўстанцаў атакуе Зорку сьмерці з космасу. Пачынаецца бой як на плянэце, так і ў космасе. Люк, спрабуючы забіць Імпэратара на Зорцы сьмерці, ізноў скрыжаваў мечы з [[Дарт Вэйдэр|Дартам Вэйдэрам]]. Малады джэдай у парыве гневу перамагае Дарта Вэйдэра і чуе ад Імпэратара прапанову забіць бацьку і самім заняць ягонае месца побач зь ім. Адмовіўшыся ад прапановы, Люк выракае сябе на пакутніцкую сьмерць ад рук [[сытх]]а, але ў гэты момант Дарт Вэйдэр вяртаецца на [[Сьветлы бок Моцы]] і забівае [[Палпатын|Дарта Сыдыюса]]. Старое вяшчунства спраўджваецца: Энакін Скайўокер зьнішчае сытхаў.

== Пэрсанажы ==
* '''[[Люк Скайўокер]]''' ([[Марк Гэміл]], вучань-джэдай [[Обі-Вана Кенобі]] й [[Ёда|Ёды]], сын [[Дарт Вэйдэр|Энакіна Скайўокера]], адзін з самых лепшых пілётаў паўстанцкага флёту)
* '''[[Лея Аргана]]''' ([[Кэры Фішэр]], прынцэса й сэнатар, зьнішчанага імпэратарам, галяктычнага сэнату)
* '''[[Чубака]]''' ([[Пітэр Мэйг’ю]], [[вукі]], былы ўдзельнік вайны клёнаў, сябр Хана й другі пілёт «Сокала Тысячагодзьдзя»)
* '''[[Хан Сола]]''' ([[Гарысан Форд]], кантрабандыст, адзін з найлепшых пілётаў галяктыкі, сябар Люка Скайўокера й Чубакі)
* '''[[Дарт Вэйдэр]]''' ([[Дэйвід Проўз]], ўладар сытхаў, камандзір войска імпэрскіх клёнаў)
* '''[[Обі-Ван Кенобі]]''' ([[Алек Гінэс]], дух настаўніка-джэдая)
* '''[[Ёда]]''' ([[Фрэнк Оз]], настаўнік усіх джэдаяў, у тым ліку й Люка)
* '''[[Палпатын|Дарт Сыдыюс]]''' ([[Ен Макдаермід]] і [[Клайв Рывел]], магутны ўладар сытхаў, імпэратар)
* '''[[Боба Фэт]]''' ([[Джэрэмі Булак]], найміт і забойца, клён Джанга Фэта)
* '''[[Лэнда Калрысіян]]''' ([[Білі Ды Ўільямз]], кіраўнік Воблачнага гораду на [[Бесьпін]]е, сябр Хана Сола й былы ўласьнік «[[Сокал Тысячагодзьдзя|Сокала Тысячагодзьдзя]]»)
* '''[[R2-D2]]''' ([[Кэні Бэйкер]], дроід, які суправаджае й дапамагае героям [[Зорныя войны|Зорных войнаў]] на працягу ўсіх 6 эпізодаў)
* '''[[C-3PO]]''' ([[Энтані Дэніелз]], пацешны дроід-сябр R2-D2, якога зрабіў Энакін)

== Вонкавыя спасылкі ==
{{Commons}}
* [http://starwars.com/explore/the-movies/episode-vi/ Афіцыйная бачына]{{ref-en}}
* {{Вукіпэдыя|Star Wars Episode VI: Return of the Jedi|Зорныя войны. Эпізод VI: Вяртаньне джэдая}}

{{Вяртаньне джэдая}}
{{Зорныя войны}}
{{Джордж Лукас}}

[[Катэгорыя:Фільмы пра «Зорныя войны»]]
[[Катэгорыя:20th Century Fox]]
[[Катэгорыя:Фільмы Джорджа Лукаса]]
[[Катэгорыя:Фільмы пра робатаў]]
[[Катэгорыя:Фільмы 1983 году]]