Заліў Каралевы Шарлоты (Канада)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Заліў Каралевы Шарлоты

Заліў Каралевы Шарлоты (па-ангельску: Queen Charlotte Sound) — заліў у паўночна-ўсходняй частцы Ціхага акіяну ля ўзбярэжжа правінцыі Канады Брытанская Калумбія.

Геаграфія[рэдагаваць | рэдагаваць крыніцу]

Заліў падзяляе астравы Гайда-Гўаі й востраў Ванкувэр. На поўначы злучаецца з пралівам Гэкатэ, на поўдні з пралівам Каралевы Шарлоты. Паўночная мяжа заліва праходзіць па лініі, праведзенай паміж мысам Сэнт-Джэймз на востраве Канг і самай паўднёвай кропкай острава Прайс. Раней паўночнай мяжой заліва лічылася лінія паміж мысам Сэнт-Джэймз і самой паўднёвай кропкай выспы Арыстазабал. Паўднёвая мяжа заліва праходзіць па лініі, праведзенай паміж мысам Скот і мысам Сутыл на востраве Ванкувэр, і па лініі паміж мысам Сутыл і мысам Каўшэн на ўзбярэжжы матэрыковай частцы Брытанскай Калумбіі.

Заліў зьяўляецца часткай унутранага суднаходнага шляху паміж астравамі ціхаакіянскага ўзбярэжжа Паўночнай Амэрыкі, які дазваляе марскім суднам прайсьці ад берагоў Аляскі да берагоў штата Вашынгтон пазьбягаючы суровых штармоў адкрытых водаў Ціхага акіяна[1].

Гісторыя[рэдагаваць | рэдагаваць крыніцу]

5 жніўня 1786 году капітан Джэймз Стрэйндж, кіраўнік экспэдыцыі ў складзе двух суднаў — «Капітан Кук», пад камандай капітана Гэнры Лоўры, і «Экспэрымэнт», пад камандай капітана Джона Гіза, назваў праліў ў гонар каралевы Шарлоты, жонкі ангельскага караля Георга III. Водная прастора, названая ім, цяпер вядома як праліў Каралевы Шарлоты. Даволі доўгі час і праліў і заліў насілі адно й тое ж імя, толькі ў 1920 годзе Гідраграфічная служба Канады разьмежаваць заліў і праліў[2].

Крыніцы[рэдагаваць | рэдагаваць крыніцу]