Залатыя Вароты (пратока)
(Перанакіравана з «Залатыя Вароты (праліў)»)
Залатыя Вароты (па-ангельску: Golden Gate) — пратока, якая злучае затоку Сан-Францыска зь Ціхім акіянам.
Даўжыня — 8 км, шырыня 1,5-3 км, глыбіня да 43 м. На паўночным беразе — акруга Марын, на паўднёвым — г. Сан-Францыска. У 1937 годзе праз пратоку быў пабудаваны знакаміты мост «Залатыя Вароты». Пралёт мосту — 1281 м.
Праз Залатую Браму праходзяць караблі з шматлікіх краінаў сьвету ў адзін з галоўных партоў заходняга ўзьбярэжжа Злучаных Штатаў Амэрыкі — Оўклэнд.
Першымі насельнікамі мясцовасьці вакол пратокі былі індзейцы. Першае эўрапейскае селішча на гэтай мясцовасьці было заснавана гішпанцамі ў 1776 годзе.