Дом на Рынку (Нясьвіж)

Помнік грамадзянскай архітэктуры
Дом рамесьніка
Дом на Рынку
Краіна	Беларусь
Места	Нясьвіж
Каардынаты	53°13′15.51″ пн. ш. 26°41′00.82″ у. д. / 53.220975° пн. ш. 26.6835611° у. д. / 53.220975; 26.6835611Каардынаты: 53°13′15.51″ пн. ш. 26°41′00.82″ у. д. / 53.220975° пн. ш. 26.6835611° у. д. / 53.220975; 26.6835611
Архітэктурны стыль	барокавая архітэктура^[d] і барока
Статус	Ахоўная зона
Дом рамесьніка на мапе Беларусі Дом рамесьніка
Дом рамесьніка на Вікісховішчы

Дом рамесьніка (таксама Гданьскі дом) — помнік архітэктуры XVIII стагодзьдзя ў Нясьвіжы. Знаходзіцца на гістарычным Рынку^[a], уваходзіў у склад адзінага ансамблю пляца. Твор архітэктуры барока. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Вялікае Княства Літоўскае

Мураваны дом рамесьніка на Рынку ў Нясьвіжы збудавалі ў 1721 годзе. На 1-м паверсе разьмяшчаліся складзкія памяшканьні і крамы, на другім — жылыя пакоі.

Пад уладай Расейскай імпэрыі

У XIX ст. з боку двара прыбудавалі памяшканьне.

Найноўшы час

У 1990-я гады будынак рэканструявалі пад бібліятэку.

Архітэктура

Помнік архітэктуры барока. Гэта 2-павярховы прастакутны ў пляне будынак з паўпадвалам. Першы паверх мураваны, другі з драўляных канструкцыяў. Галоўны тарцовы фасад выходзіць на лінію забудовы вуліцы і мае выгляд адзінага фігурнага шчыта, які закрывае больш вузкі паверх з 2-схільным дахам. Сымэтрычна цэнтральнай восі разьмяшчаюцца прастакутныя аконныя праёмы. У цэнтры фасаду галоўны ўваход, над якім разьмяшчаецца балькон з ажурнай мэталічнай літой агароджай. Невялікі аркавы праём і дзьве маленькія нішы ў завяршэньні фасаднага шчыта аздабляюцца ляпнінай і дэкаратыўнымі ліштвамі. Фігурны абрыс шчыта падкрэсьліваецца тонкім прафіляваным карнізам.

Уваход на другі паверх з боку дваровага фасаду^[1].

Галерэя

Гістарычныя здымкі

Старыя здымкі
1912 г.
Я. Булгак, 1912—1914 гг.
1915—1917 гг.
да 1918 г.

1918 г.
А. Віслоцкі, 1923 г.
А. Абухоўскі, 1927 г.
да 1939 г.

Сучасныя здымкі

Сучасны стан
Агульны выгляд
Галоўны фасад
З боку вуліцы
Бакавы фасад

Заўвагі

^ Цяперашні афіцыйны адрас — вуліца Чапаева, 4/2

Крыніцы

^ Чарняўская Т. Нясвіжскі «Дом на Рынку» // Архітэктура Беларусі. Энцыкл. — Менск, 1993. С. 370.

Літаратура

Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
Памяць: Гіст.-дакум. хроніка Нясьвіжскага р-на. — Мн.: БелЭн, 2001. — 628, [1] с. ISBN 985-11-0206-7.

Вонкавыя спасылкі

Дом на Рынку ў Нясьвіжы, Radzima.org

[1] Цяперашні афіцыйны адрас — вуліца Чапаева, 4/2

[2] Чарняўская Т. Нясвіжскі «Дом на Рынку» // Архітэктура Беларусі. Энцыкл. — Менск, 1993. С. 370.

[a]

[1]