Дапаможная адзінка гміны

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Дапаможная адзінка гміны (па-польску: jednostka pomocnicza gminy) — у сучаснай Польшчы лякальная суполка самакіраваньня. Дапаможнымі адзінкамі гмінаў яўляюцца солтыствы (па-польску: sołectwa), раёны (па-польску: dzielnice, osiedla) ды іншыя, нават гарады (па-польску: miasta)[1]. Спосабы стварэньня, аб’яднаньня, падзелу і ліквідацыі гэтых адзінак рэгулюе статут кожнай гміны[2].

Тэрыторыі[рэдагаваць | рэдагаваць крыніцу]

Агульнадзяржаўнае права не вызначае, якую тэрыторыю можа ахопліваць дапаможная адзінка гміны. Таму яна можа, паводле рашэньня мясцовых уладаў, ахопліваць частку населенага пункта, дакладна адзін населены пункт або два і больш населеныя пункты. Звычайна, але не заўсёды, солтыства ахоплівае вёскі або іх часткі, а раёны ствараюць у гарадах. Часам аднак наадварот, солтыствы ствараюць у гарадах. Агульнадзяржаўнае права не забараняе гэтакай практыкі.

Дапаможная адзінка гміны можа таксама дзяліцца на дапаможныя адзінкі ніжняга парадку[3].

Утварэньне[рэдагаваць | рэдагаваць крыніцу]

Дапаможную адзінку гміны можа стварыць (гэта не зьяўляецца абавязковым) выключна рада гміны ў форме ўхвалы, абавязкова пасьля кансультацыяў з жыхарамі або па іх ініцыятыве[4]. Рада гміны надае дапаможнай адзінцы статут, у якім вызначае яе назву, тэрыторыі, арганізацыю і задачы органаў, формы кантролі і дазору над яе дзейнасьцю[5].

Органы і кампэтэнцыі[рэдагаваць | рэдагаваць крыніцу]

Дапаможныя адзінкі гміны маюць свае органы. У солтыстве заканадаўчым органам яўляецца пасяджэньне жыхароў, а выканаўчым — солтыс. Дзейнасьць солтыса падтрымлівае рада солтыства[6]. Рада солтыства і солтыс назначаюцца жыхарамі солтыства ў таемных выбарах[7]. У раёнах органам заканадаўчым звычайна яўляецца рада[8] (магчымае таксама пасяджэньне жыхароў замест рады[9]), а выканаўчым — упраўленьне з намесьнікам на чале[10]. Раду раёнаў выбіраюць жыхары ў сакрэтных выбарах[11].

Солтыс (адпаведна таксама намесьнік упраўленьня раёну) можа ўдзельнічаць у якасьці аглядаючага ў пасяджэньнях рады гміны[12].

Рада гміны можа прызначаць солтысам (намесьнікам упраўленьня раёнаў), сябрам упраўленьня раёнаў, сябрам рады солтыства камісійныя (грашовыя ўзнагароджаньні)[13].

З 2009 году солтыствы (гэта ня тычыцца іншых дапаможных адзінак гмін) могуць карыстаць з адмысловага фонду солтыства[14].

Крыніцы[рэдагаваць | рэдагаваць крыніцу]

  1. ^ Art. 5 ust. 1 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  2. ^ Art. 5 ust. 3 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  3. ^ Art. 35 ust. 2 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  4. ^ Art. 5 ust. 2 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  5. ^ Art. 35 ust. 3 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  6. ^ Art. 36 ust. 1 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  7. ^ Art. 36 ust. 2 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  8. ^ Art. 37 ust. 1 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  9. ^ Art. 37 ust. 4 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  10. ^ Art. 37 ust. 2 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  11. ^ Art. 37 ust. 4 w zw. z art. 36 ust. 2 ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  12. ^ Art. 37a ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  13. ^ Art. 37b ustawy z dnia 8 marca 1990 r. o samorządzie gminnym (Dz. U. z 2001 r. Nr 142, poz. 1591 z późn. zm.) (пол.)
  14. ^ Ustawa z dnia 20 lutego 2009 r. o funduszu sołeckim (Dz. U. Nr 52, poz. 420 z późn. zm) (пол.)