Грынь Івановіч
Грынь Івановіч — беларускі друкар і гравёр 16 стагодзьдзя.
Нарадзіўся ў мястэчку Заблудаў Гарадзенскага павету. Быў вучнем кнігадрукара Івана Фёдарава ў Заблудаўскай друкарні. Пазьней у 1577—1579 гадах вучыўся ў майстра Лаўрэнцыя Філіповіча. Пасьля навучаньня рабіў шрыфты і аздобы для выданьняў Фёдарава ў Львове і Астрогу. У 1582 годзе зрабіў шрыфт для друкарні Мамонічаў у Вільні. У 1583 годзе вярнуўся ў Львоў, дзе падпісаў дагавор зь Фёдаравым на выраб новых шрыфтоў. Пасьля сьмерці Фёдарава ў 1583 годзе зьвесткі пра Івановіча адсутнічаюць.
Крыніцы
[рэдагаваць | рэдагаваць крыніцу]Літаратура
[рэдагаваць | рэдагаваць крыніцу]- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 7: Застаўка — Кантата. — 604 с. — ISBN 985-11-0130-3