Герб Баранавічаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Герб Баранавічаў

Ге́рб Бара́навічаў — адзін з сымбаляў Баранавічаў разам са сьцягам.

Праект герба і сьцяга Баранавічаў ўхвалены пастановай Баранавіцкага гарадзкога савету дэпутатаў ад 30 лістапада 2012 году № 144 і мае станоўчую выснову геральдычнай экспэртызы.

Афіцыйнае апісаньне[рэдагаваць | рэдагаваць крыніцу]

Герб гораду Баранавічы ўяўляе сабой перасечаны францускі шчыт, у верхнім чырвонім полі якога знаходзіцца выява залатога паравозу, павернутага ўправа. Долу на зялёным полі — палова шасьцярні зь дзевяцьцю зуб’ямі такога самага мэталу[1].

Легенда[рэдагаваць | рэдагаваць крыніцу]

На афіцыйных геральдычных сымбалях – гербе і сьцягу Баранавічаў знаходзіцца залаты паравоз, які зьяўляецца сымбалем узьнікненьня і разьвіцьця гораду. Заснаваньне гораду Баранавічы зьвязанае з будаўніцтвам Маскоўска-Берасьцейскай чыгункі (Аляксандраўскай чыгункі), якая пачала працаваць у 1871 годзе. Каля станцыі і дэпо ўзьнікла паселішча, якое налічвала ў 1880 годзе каля 1.5 тыс. жыхароў. Будаўніцтва і далейшае разьвіцьцё чыгункі сталася штуршком да нараджэньня і разьвіцьця гораду. Шасьцярня на зялёным фоне сымбалізуе сучаснае разьвіцьцё прамысловасьці ў горадзе ў сучасным часе.

Крыніцы[рэдагаваць | рэдагаваць крыніцу]

  1. ^ Сымболіка гораду. Сайт Баранавіцкага гарвыканкаму