Вячаслаў Шаршуноў

Вячаслаў Шаршуноў
Дата нараджэньня	4 траўня 1949(1949-05-04) (75 гадоў)
Месца нараджэньня	Круглоўка[d], Руднянскі раён, Смаленская вобласьць, РСФСР, СССР
Месца вучобы	Беларуская сельскагаспадарчая акадэмія (1971)
Занятак	навуковец, палітык, інжынэр
Навуковая сфэра	машынабудаваньне, гісторыя навукі, тэхнікі ды адукацыі
Месца працы	Магілёўскі дзяржаўны ўнівэрсытэт харчаваньня
Навуковая ступень	доктар тэхнічных навук[d] (1990)
Узнагароды	Ганаровая грамата Нацыянальнага сходу Рэспублікі Беларусь[d] (1999)

Вячасла́ў Шаршуно́ў (нар. 4 траўня 1949 у в. Круглоўка Смаленскай вобласьці) — беларускі навукоўца ў галіне машынабудаваньня, гісторыі навукі, тэхнікі ды адукацыі. Чалец-карэспандэнт НАН Беларусі (ад 2003 году). Доктар тэхнічных навук (1991), прафэсар (1992). Заслужаны дзяяч навукі Рэспублікі Беларусь (1998). Дэпутат Вярхоўнага Савету Рэспублікі Беларусь 13-га скліканьня. Дэпутат Палаты Прадстаўнікоў Нацыянальнага Сходу 1-га скліканьня. Працаваў намесьнікам старшыні Пастаяннай камісіі па адукацыі, культуры ды навуцы. Ганаровы доктар Беларускай дзяржаўнай сельскагаспадарчай акадэміі (2010).

Біяграфія

Скончыў Беларускую сельскагаспадарчую акадэмію ў 1971 годзе. У 1992—1995 рэктар Беларускай дзяржаўнай сельскагаспадарчай акадэміі. Ад 2000 намесьнік старшыні Найвышэйшай атэстацыйнай камісіі Беларусі. Ад 2003 рэктар Магілёўскага дзяржаўнага інстытуту харчаваньня. Займаўся праблемамі энэргазьбераганьня, машынабудаваньнем для сельскай гаспадаркі. Гісторык беларускай навукі. Аўтар больш як 50 падручнікаў, больш як 370 навуковых публікацыяў, больш як 73 вынаходніцтваў.