Вялікія Афрыканскія азёры

Спадарожнікавы фатаздымак Вялікіх Афрыканскіх азёраў і усходняга ўзьбярэжжа Афрыкі

Вялі́кія Афрыка́нскія азё́ры — некалькі буйных азёраў, якія знаходзяцца ва Ўсходне-Афрыканскай зоне разломаў і вакол яе. Уключаюць возера Вікторыя, другое па велічыні прэснаводнае возера ў сьвеце, і Танганьіка, другое па глыбіні і па аб’ёме ў сьвеце. Сьпіс азёраў:

• Танганьіка
• Вікторыя
• Альбэрт
• Эдўард
• Ківу
• Малаві

Некаторыя дасьледчыкі да ліку Вялікіх азёраў адносяць толькі возера Вікторыя, Альбэрт і Эдўард, бо толькі гэтыя тры возера маюць сьцёк у Белы Ніл. Танганьіка і Ківу маюць сьцёк у сыстэму ракі Конга, а Малаві — у Замбэзі праз раку Шыры.