Вэрымунд

Вэрымунд
Асабістыя зьвесткі
Нарадзіўся	V стагодзьдзе
Памёр	V стагодзьдзе, Свеўскае каралеўства[d]

Вэрымунд (лац. Veremundus; ? — паміж 500 і 508) — кароль свэваў у Галісіі (з 475).

Біяграфія

Паводле адной з вэрсіяў, быў сынам караля Тэадэмунда. Здагадка пра існаваньне свэўскага караля Вэрымунда засноўваецца на надпісе VI стагодзьдзя, выяўленым у Партугаліі.

Лічыцца, што па сьмерці Тэадэмунда, выкліканай новай вайной з вэстготамі, каралеўства свэваў зноў распалася на некалькі частак. Напэўна, было некалькі каралёў, сярод якіх быў Вэрымунд. Яго супернікамі былі Гермэнэрык (паводле адной з вэрсіяў, васал вэстготаў) і Рэхіла II. На думку дасьледнікаў, у 485 годзе Вэрымунду ўдалося разьбіць Гермэнэрыка і Рэхілу II.

Глядзіце таксама

• Вірмонт