Вуза (рака)
| Вуза | |
 | |
| Агульныя зьвесткі | |
|---|---|
| Выток | каля в. Беразоўкі |
| Вусьце | Сож |
| Краіны басэйну | Беларусь |
| Вобласьці | Гомельская вобласьць |
| Даўжыня | 76 км |
| Сярэднегадавы сьцёк | 3,4 м³/с |
| Плошча басэйну | 944 км² |
| Нахіл воднай паверхні | 0,3 ‰ |
Вуза, Уза́ — рака ў Беларусі, правы прыток ракі Сожу (басэйн Дняпра). Цячэ ў Буда-Кашалёўскім і Гомельскім раёнах. Даўжыня 76 км. Плошча вадазбору 944 км². Выдатак вады ў вусьці 3,4 м³/с. Сярэдні нахіл воднай паверхні 0,3‰.
На рацэ стаіць мястэчка Ўваравічы.
Асноўныя прытокі
[рэдагаваць | рэдагаваць крыніцу]- Правыя: Хочамля, Мільчанская канава, Іволька
- Левыя: Белічанка, Рандоўка
Агульныя зьвесткі
[рэдагаваць | рэдагаваць крыніцу]Пачынаецца за 2 км на паўночны захад ад вёскі Беразоўкі Буда-Кашалёўскага раёну, вусьце на ўсходняй ускраіне вёскі Бабовічаў Гомельскага раёну. Рака цячэ Прыдняпроўскай нізінай.
Даліна трапэцападобная, шырыня яе 0,6—0,8 км, найбольшая 1,5 км. Абалона ў вярхоўі і ніжняй плыні адсутнічае, у сярэдняй частцы двухбаковая (шырыня 0,2—0,4 км, найбольшая 0,7 км), у разводзьдзе затапляецца вадой на глыбіню 0,3—0,8 м тэрмінам да 2 тыдняў. Рэчышча каналізаванае, шырыня яго ў верхняй плыні 5—8 м, у сярэдняй і ніжняй 10—15 м. Берагі стромкія, вышынёй 0,8—3,5 м, месцамі большыя.
Замярзае ў сярэдзіне сьнежня, ледастаў 90 дзён. Веснавы крыгаход у пачатку 3-й дэкады сакавіка, сярэдняя працягласьць 11 дзён[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 373.
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 373.