Вуда

Ву́да^[1] ці ву́дачка — прылада для ловаў рыбы, якая звычайна складаецца зь цьвёрдага корпуса — вудзільна (звычайна зьменнай даўжыні) з гнуткім канцом, празрыстага валасьніка (звычайна капронавага), плавука (аднак яго можа ня быць), тунка і гачка.

Падзяляецца на дзьве вялікія клясы вудаў: плавуковыя і бесплавуковыя.

Плавуковая вуда: 1 — вудзільна; 2 — валасьнік; 3 — плавук; 4 — тунок; 5 — гачок

Матэрыялам для вудзільна можа быць дрэва (напрыклад ляшчына, бамбук), мэталь, плястык, кампазытныя матэрыялы. У цяперашні час, дзякуючы новым больш лёгкім кампанэнтам з ідэнтычнымі паводзінамі, яны ў асноўным зроблены з сынтэтычных кампанэнтаў.