Бразыльскі дэмакратычны рух
| Бразыльскі дэмакратычны рух | |
| па-партугальску: Movimento Democrático Brasileiro | |
.png) | |
| Дата заснаваньня | 15 студзеня 1980 |
|---|---|
| Штаб-кватэра | |
| Колькасьць | 2 362 846 |
| Афіцыйны сайт | mdb.org.br |
Бразы́льскі дэмакраты́чны рух (па-партугальску: Movimento Democrático Brasileiro; PMDB) — палітычная партыя ў Бразыліі права-цэнтрычнага кірунку. Гэта адна з найстарэйшых партыяў краіны. Да сканчэньня 2017 году называлася Партыяй бразыльскага дэмакратычнага руху (парт. Partido do Movimento Democratico Brasileiro).
Гісторыя
[рэдагаваць | рэдагаваць крыніцу]Заснаваная ў 1981 годзе. Ёсьць прыемніцай партыі Бразыльскае дэмакратычнае дзеяньне, адзінай афіцыйна дазволенай падчас дыктатуры апазыцыйнай партыяй, у якую ўваходзілі прадстаўнікі ўсіх палітычных поглядаў ад камуністаў да правых. Пры гэтым партыя амаль ня мела ўплыву, бо ўсе ключавыя пасады належылі прадстаўнікам партыі вайсковай хунты.
У 1985 годзе лідэр партыі Танкрэду Нэвіс перамог на прэзыдэнцкіх выбарах, але памёр перад уступленьнем на пасаду. Ягоны паплечнік Жасэ Сарнэй, які да таго ўступіў быў у партыю, сышоўшы быў з крыла вайскоўцаў, стаў прэзыдэнтам і займаў пасаду кіраўніка дзяржавы да 1990 году. Да 2016 году ён быў адзіным прэзыдэнтам Бразыліі, які паходзіў з гэтае партыі. Звычайна яна засяроджвалася на выбарах у Палату дэпутатаў і Сэнат, ігнаруючы выбары прэзыдэнта. 29 сакавіка 2016 году партыя абвесьціла аб выхадзе з кааліцыі з Партыяй працоўных праз абвінавачваньні ў дачыненьні да прэзыдэнткі Дылмы Русэф і былога прэзыдэнта Лулы да Сылвы ў карупцыі[1].
Ідэалёгія
[рэдагаваць | рэдагаваць крыніцу]Першапачатковы партыя бразыльскага дэмакратычнага руху была закладзеная як адзіны афіцыйны грамадзянскі рух апазыцыі да бразільскага вайсковага ўраду. Партыя ня мела дакладнай праграмы, за выключэньнем дэмакратызацыі краіны, і ўвасабляла сабой спалучэньне палітыкаў розных кірункаў, апазыцыйным да вайсковай хунты. Сацыяльная база партыі неаднародная, карыстаецца ўплывам у колах пачынаючы ад пралетарыяту і скончваючы коламі буйной буржуазіі.