Божы камень (Ператок)

Божы камень

Культавы камень са сьвідравінамі
катэгорыя III (помнік прыроды) паводле МСАП
Найбліжэйшае мястэчка	Ператок
Каардынаты	52°49′55.7″ пн. ш. 27°55′52.9″ у. д.
Божы камень у Вікісховішчы

Божы камень ці Культавы камень са сьвідравінамі — гісторыка-культурная каштоўнасьць Беларусі, помнік прыроды нацыянальнай значнасьці. Знаходзіцца за 300 м на поўнач ад вёскі Ператок Любанскага раёну Менскай вобласьці, справа ад шашы Дубнікі — Таль.

Апісаньне

Камень трохвугольнай формы, амаль цалкам уросшы ў зямлю. На паверхні маюцца ячэйкі, акруглыя паглыбленьні, патаемныя хады, трэшчыны. Камень над зямлёй ледзь выступае. Яго абрысы нагадваюць трохвугольнік, даўжыня бакоў якога — ад 1,2-1,3 м. Паверхня шэрага колеру, месцамі замшэлая, нераўнамерна змацаваная кварцавым цэмэнтам. Асабліва трывалы паверхневы слой валуна, які падобны на кварцыт. Каля камню стаіць крыж, растуць 2 бярозы і некалькі невялікіх садовых дрэў-дзічак. Паверхня вакол помніка шчыльна пакрытая травой. 

Камень агароджаны драўлянаю агароджаю.

Культ

У народзе вядомы як сьвяты камень або Божы камень, які валодае лячэбнай сілай. Пакланяюцца каменю з даўніх часоў. Сюды прыходзяць і прыяжджаюць жыхары бліжэйшых і аддаленых населеных пунктаў каб папрасіць камень збавеньня ад хвароб, садзейнічаньня ў жаніцьбе і г. д. лічыцца што незвычайную лячэбную сілу камень набывае ў маладзік.

У шматлікія шчыліны і расколіны камяня людзі кладуць грошы.

Галерэя

• 
  Месца культавага каменю
• 
  Культавы камень
• 
  Ахоўная шыльда