Берасьцейскае піва

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
ААТ «Берасьцейскае піва»
Тып ААТ
Заснаваная 1967
Разьмяшчэньне Берасьце, вул. Баўманская 18
Ключавыя фігуры Алег Кісель
Галіна піваварная
Прадукцыя піва, квас, безалькагольныя напоі
Абарачэньне Green Arrow Up Darker.svg72 965 млн. рублёў (2010; 24 373 тыс. $)
Апэрацыйны прыбытак Red Arrow Down.svg6 183 млн руб. (2010; 2 065 тыс $)
Чысты прыбытак Red Arrow Down.svg3 061 млн руб (2010; 1 023 тыс $)
Лік супрацоўнікаў 601 (2010)
Матчына кампанія Берасьцейскі абласны выканаўчы камітэт

ААТ «Берасьцейскае» — беларускі бровар, разьмешчаны ў Берасьці. Заснаваны ў 1967 годзе. На лістапад 2008 году бровар выпускае 8,1% ад выпуску ўсяго беларускага піва[1].

Гісторыя[рэдагаваць | рэдагаваць крыніцу]

У 1967 годзе ў адпаведнасьці з Пастановай СМ БССР №463 «Аб пляне разьвіцьця народнай гаспадаркі БССР» пачата будаўніцтва броварна-вінаробнага камбіната. Першая прадукцыя выпушчаная 17 красавіка 1970 году на плошчы вінавытворчасьці. Выпуск піва пачаты ў сакавіку 1971 году. Колькасьць працуючых на прадпрыемстве складала 202 чалавекі.

У 1996 годзе ўводзіцца нямецкае абсталяваньне ў цэху разьліваньня піва, якія дазволілі падняць да ўзроўню сусьветных стандартаў вонкавае афармленьне і павялічыць тэрміны рэалізацыі піва да 30 сутак.

У 1997 годзе наладжаны выпуск піва ў кегі (вытворчасьць фірмы «БЛЕФУ») зьмяшчальнасьцю 50 літраў і вытворчасьць слабаалькагольных напояў.

У 1998 годзе ўкаранёная аўтаматычная лінія па разьліваньні безалькагольных напояў у бутэльку ПЭТ 1,5 літра.

З мэтай максымальнай загрузкі магутнасьцяў на вінавытворчасьці, узровень выкарыстаньня якіх у 1996 годзе зваліўся да 7,2 %, у 1998 годзе ўводзіцца ўчастак па перапрацоўцы яблыкаў на сокі і асвойваецца новая вытворчасьць — пладовых зброжана-сьпіртованых сокаў і вінаў.

У вытворчасьці піва ўкаранёныя прагрэсіўныя сусьветныя тэхналёгіі. Забесьпячэньне камбіната вадой, цеплынёй, холадам, сьціснутым паветрам ажыцьцяўляецца аўтаномна. Маецца ўласная кацельня, якая забясьпечвае цеплынёй і найбліжэйшы мікрараён, халадзільна-кампрэсарная станцыя, паветраная станцыя, тры артэзіянскіх сьвідравіны агульным дэбітам 240 мэтраў кубічных у гадзіну і станцыя абезжалезваньня вады магутнасьцю 2500 м. куб/суткі.

Гатункі піва[рэдагаваць | рэдагаваць крыніцу]

Сучасныя[рэдагаваць | рэдагаваць крыніцу]

  • «Беловежское»
  • «Брестское XXI»
  • «Брестское Олимпийское»
  • «Брестское светлое»
  • «В десяточку»
  • «Европейское классическое»
  • «Корона»

Старыя (не выпускаюцца)[рэдагаваць | рэдагаваць крыніцу]

  • «Барон Таубе»
  • «Белорусское»
  • «Брестское»
  • «Брестское 2000»
  • «Брестское ОК»
  • «Брестское особое»
  • «Брестское специальное»
  • «Брестское темное»
  • «Дуплет»
  • «Жигулевское»
  • «Зубр»
  • «Портер»
  • «Футбольный клуб Чемпион 82»

Крыніцы[рэдагаваць | рэдагаваць крыніцу]