Беларускі палітычны камітэт

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Беларускі палітычны камітэт (БПК) — беларуская арганізацыя палянафільскага крыла ў 1920 г. Створаны ў Варшаве восеньню 1920 г. На чале БПК стаялі Павал Аляксюк, Вячаслаў Адамовіч-старэйшы, Язэп Сянькевіч. Меў цесную сувязь з генэралам Станіславам Булак-Балаховічам і кіраўніцтвам «Зялёнага Дубу». Апанэнт Найвышэйшае Рады БНР і беларускага ўраду Вацлава Ластоўскага. У лістападзе 1920 году, пасьля заняцьця Булак-Балаховічам Мазыра пазыцыянаваў сябе як «цывільны ўрад будучай вольнай Беларусі». Пасьля няўдачы вайсковае акцыі Булак-Балаховіча фактычна спыніў сваю дзейнасьць.