Гарадзкі замак у Банскай Быстрыцы

Замак
Гарадзкі замак у Банскай Быстрыцы

Краіна	Славаччына
Месцазнаходжаньне	Банская Быстрыца
Каардынаты	48°44′14″ пн. ш. 19°08′48″ з. д.^HGЯO
Статус	Нацыянальныя помнікі культуры Славаччыны^[d]
Гарадзкі замак у Банскай Быстрыцы на мапе Славаччыны Гарадзкі замак у Банскай Быстрыцы
Гарадзкі замак у Банскай Быстрыцы на Вікісховішчы

Гарадзкі замак Банскай Быстрыцы (па-славацку: Mestský hrad v Banskej Bystrici) — замак у гістарычным цэнтры славацкага гораду Банская Быстрыца. Знаходзіцца ў верхняй частцы Цэнтральнага пляцу.

Гісторыя

Замак узьнік у XV стагодзьдзі побач з паселішчам гарнякоў і фарным касьцёлам Унебаўзяцьця Найсьвяцейшай Панны Марыі, пабудаваным у XIII стагодзьдзі. У 2005 годзе ў замку былі праведзеныя рэстаўрацыйныя работы.

На тэрыторыі замку знаходзяцца:

Фарны касьцёл Унебаўзяцьця Найсьвяцейшай Панны Марыі
Дом Мацея
Славацкі касьцёл
Ратуша
Умацаваньні з бастыёнамі і брамай

Касьцёл Унебаўзяцьця Найсьвяцейшай Панны Марыі

Фарны касьцёл Унебаўзяцьця Найсьвяцейшай Панны Марыі быў пабудаваны ў XIII стагодзьдзі ў позьнераманскім стылі і зьяўляецца найстаражытным будынкам на тэрыторыі замку. У XVI стагодзьдзі касьцёл быў перабудаваны: былі пабудаваныя араторыюм, бакавая капліца Сьвятой Барбары, позьнегатычны флюгельны алтар працы майстра Паўля зь Левачы і позьнегатычная бронзавая купель працы майстра Ёдака. Галоўны алтар таксама пабудаваў Паўль зь Левачы: ён мусіў быць прыгажэйшым за алтар у Левачы, але згарэў пры пажары 1761 году. У 1767 годзе замест яго быў пабудаваны барокавы алтар працы аўстрыйскага мастака Ё. Л. Кракэра.

Умацаваньні

Умацаваньні былі пабудаваныя ў XV стагодзьдзі. Узорам для іх паслужыў Крэмніцкі гарадзкі замак. Яны ўяўлялі сабой высокі мур з бастыёнамі круглай формы, а ў 1512 годзе была дабудаваная брама з барбаканамі.

Ратуша

Ратуша была пабудаваная ў 1500 годзе й дабудаваная ў другой палове XVI стагодзьдзя. Сёньня ў ёй разьмешчана Галерэя Сярэдняй Славаччыны.

Дом Мацея й Славацкі касьцёл

Гатычны Дом караля Мацея быў пабудаваны ў 1479 годзе і ўтварае адзіны ансамбль з касьцёлам Сьвятога Крыжа XVI стагодзьдзя, таксама вядомым як Славацкі касьцёл.