Аўстрыйская партыя свабоды

	Аўстрыйская партыя свабоды
	па-нямецку: Freiheitliche Partei Österreichs
Заснавальнік	Антон Райнталер[d]
Дата заснаваньня	7 красавіка 1956
Штаб-кватэра	Ёзэфштат[d], Вена, Аўстрыя;
Ідэалёгія	нацыянал-кансэрватызм, правы папулізм[d], эўраскептыцызм, нямецкі нацыяналізм у Аўстрыі[d], нацыянал-лібэралізм[d], сацыяльны кансэрватызм, традыцыяналізм[d], апазіцыя іміграцыі[d] і антыглабалізм[d]
Моладзевая арганізацыя	Суполка свабоднай моладзі Аўстрыі[d]
Афіцыйны сайт	fpoe.at

Аўстрыйская партыя свабоды, АПС (па-нямецку: Freiheitliche Partei Österreichs, FPÖ) — правапапулісцкая, праваэкстрэмісцкая, эўраскептычная, нямецка-нацыяналістычная аўстрыйская палітычная партыя. Сярод заснавальнікаў партыі было шмат дзеячоў эпохі нацыянал-сацыялізма, у прыватнасьці нацыстам быў і першы лідэр партыі Антон Райнталер. Партыя прадстаўленая ва ўсіх дзевяці Ляндтагах фэдэральных земляў Аўстрыі, і ў шмат якіх радах меншага ўзроўню. З 1986 па 2005 год галоўнай фігурай у партыі быў Ёрг Гайдэр, які ў 2005 выйшаў з партыі і заснаваў Суполку за будучыню Аўстрыі (па-нямецку: Bündnis Zukunft Österreich, BZÖ). Доўгі час была трэцяй партыяй краіны паводле вынікаў парлямэнцкіх выбараў.

Працяглы час старшынём і лідэрам партыі быў Гайнц-Крыстыян Штрахэ, пад кіраўніцтвам якога партыя паступова аднавіла сваю папулярнасьць, атрымаўшы у 26% на парлямэнцкіх выбарах 2017 году. АПС сталася малодшым партнэрам у кааліцыі ва ўрадзе з Аўстрыйскай народнай партыяй. У траўні 2019 году праз скандал з кіраўнікамі партыі ўрад Аўстрыі пайшоў ў адстаўку. Штрахэ быў адстаўлены з пасады віцэ-канцлера і лідэра партыі^[1], у вынікі карупцыйнага скандалу, вядомага як Ібіца-гэйт. Пасьля новых выбараў падтрымка партыі значна скарацілася^[2]^[3]. На выбарах у парлямэнт 2024 году партыя ўпершыню ў сваёй гісторыі атрымала першае месца, але астатнія палітычныя сілы адмовіліся будаваць зь ёй кааліцыю, таму партыя знаходзіцца ў апазыцыі. Аўстрыйскую партыю свабоды ачольвае Гэрбэрт Кікль. Яна выступае за ўзмацненьне кантролю над іміграцыяй, барацьбу са злачыннасьцю і ўсялякую падтрымку сям’і.

Крыніцы

↑ «Heinz-Christian Strache: FPÖ-Chef tritt nach Skandal-Video zurück». Der Spiegel
↑ «Austria conservatives win most votes in snap election while far right suffer losses». The Local Austria.
↑ Dean, Sarah; Kottasová, Ivana (29.09.2019). «One of the world’s youngest leaders returns in Austria after scandal brought his government down». CNN.

Вонкавыя спасылкі

Сайт партыі

Гэта — накід артыкула пра палітыку. Вы можаце дапамагчы Вікіпэдыі, пашырыўшы яго.

[1] «Heinz-Christian Strache: FPÖ-Chef tritt nach Skandal-Video zurück». Der Spiegel

[2] «Austria conservatives win most votes in snap election while far right suffer losses». The Local Austria.

[3] Dean, Sarah; Kottasová, Ivana (29.09.2019). «One of the world’s youngest leaders returns in Austria after scandal brought his government down». CNN.

[1]

[2]

[3]