Ахоўныя атрады
| Дата заснаваньня / стварэньня | 4 красавіка 1925  |
|---|---|
| Назва арыгінальнай мовай | SS |
| Значная асоба | Гайнрых Гімлер, Рэйнхард Гейдрых, Іозеф Менгеле, Rudolf Höss |
| Сфэра дзейнасьці | палітычныя рэпрэсіі, генацыд, вайна, уціск, антыпаўстанцкі супраціў |
| Бітва | Другая сусьветная вайна |
| Старшыня | рэйхсфюрар СС |
| Кіраўнік | Julius Schreck, Joseph Berchtold, Erhard Heiden, Гайнрых Гімлер, Karl Hanke |
| Друкаваны орган | Das Schwarze Korps |
| Дэвіз | Meine Ehre heißt Treue |
| Тэкст дэвізу | Meine Ehre heißt Treue |
| Краіна | Нямеччына |
| Палітычная ідэалёгія | нацыянал-сацыялізм |
| Валодае | Ostindustrie |
| Месца штаб-кватэры | Бэрлін, Мюнхэн |
| Дата спыненьня існаваньня | 8 траўня 1945, 10 кастрычніка 1945 |
Ахоўныя атрады (ням. Schutzstaffeln, die SS — трансьліт. СС) — ваенна-палітычная арганізацыя ў Нямеччыне 1930—1940-х гг.
Першапачаткова СС прызначаліся для асабістай аховы Адольфа Гітлера і ўваходзілі ў склад штурмавых атрадаў. З 1934 году СС былі выдзеленыя з штурмавых атрадаў як асобная структура НСДАП і падпарадкоўваліся асабіста Гітлеру і райхсфюрэру СС Генрыху Гімлеру. У сьнежні 1939 колькасьць СС складала 243,6 тыс. чал (у тым ліку ў Агульных СС — 223,6 тыс. чалавек). Зь сьнежня 1934 пачалося стварэньне частак ўзмацненьня СС, якія ў чэрвені 1940 атрымалі найменьне Войскаў СС (да сакавіка 1945 колькасьць асабістага складу Войскаў СС складала 830 тыс. чалавек).
У 1933—1945 ў падпарадкаваньні СС знаходзіліся канцэнтрацыйныя лягеры і лягеры сьмерці, у якіх загінулі мільёны людзей. СС былі асноўным арганізатарам тэрору і зьнішчэньня людзей па расавых прыкметах, палітычных перакананьнях і дзяржаўнай прыналежнасьці як у Нямеччыне, так і ў акупаваных ёю краінах.
СС датычныя да мноства ваенных злачынстваў і злачынстваў супраць чалавечнасьці. Нюрнбэрскі трыбунал прызнаў вялікую групу членаў СС злачынцамі.