Архіў найноўшае гісторыі

Архіў найноўшае гісторыі — беларускае грамадзкае навукова-дасьледчае аб’яднаньне, заснаванае ў 1996 годзе Беларускім гуманітарным фондам «Наша Ніва». Праіснаваў прыкладна да пачатку 21 стагодзьдзя.

Мэты

асэнсаваньне гісторыі Беларусі 20 стагодзьдзя,
пошук дэмакратычных каранёў незалежнага беларускага грамадзтва,
актуалізацыя гэтай спадчыны.

На падставе Архіву створаны фонд беларускага самвыдату, адбываўся запіс вуснай гісторыі, фіксацыя сучаснай гісторыі. Спрабаваў стварыць архіў партыйных дакумэнтаў, друкаванай прадукцыі (адозвы, улёткі, звароты і інш.), фатаздымкаў, прэс-рэлізаў і іншых дакумантаў грамадзкай дзейнасьці на Беларусі.

Частка матэр’ялаў архіву друкавалася на старонках «Нашай Нівы», на паласе «Шуфляда». На падставе гэтага зьявіўся навукова-архівістычны альманах «Шуфляда»^[1]. У Нашай Ніве быў зьмешчаны «Апытальнік сьведкі найноўшае гісторыі Беларусі», адказы на які друкаваліся ў газэце^[2].

Архіў выдаў шэраг кніг і паштовак. Прымаў удзел у падрыхтоўцы міжнароднага «Слоўніка дысыдэнтаў 50—80-х гадоў»

Архіў супрацоўнічаў з такімі замежнымі арганізацыямі, як: Цэнтар KARTA (Польшча), «Мемориал» (Масква, Пецярбург — Расея), Група па правах чалавека ў Харкаве (Украіна), «Libri Prohibiti» (Чэхія), таварыства «Alianta Civica» (Румынія).

Выданьні

Антысавецкія рухі — Антысавецкія рухі ў Беларусі: 1944—1956. Даведнік / Пад рэдакцыяй Алега Дзярновіча. ISBN 985-6374-07-3 Менск^[3]
Дэмакратычная апазыцыя Беларусі: 1956—1991. Пэрсанажы і кантэкст. Даведнік, 1999
Сяргей Ёрш, Вяртаньне БНП. Асобы і дакумэнты Беларускай Незалежніцкай Партыі. — Менск-Слонім: БГАКЦ, 1998. — 186 с.
Герман Кірылаў, Гарт. Саюз беларускіх патрыётаў, 1997^[4]
Аляксандар Лукашук За кіпучай чэкісцкай работай. З жыцця катаў, 1997
Менская вясна — 1996: Кроніка, дакумэнты, успаміны
Пазацэнзурны друк — Пазацэнзурны пэрыядычны друк Беларусі (1971—1990). Каталёг / Укладальнікі Юрась Лаўрык, Ларыса Андросік. Мн.: БГАКЦ, 1998

Крыніцы

^ Шуфляда на Камунікаце
^ У СБМ я загартаваўся ў сапраўднага патрыёта(недаступная спасылка) Кастусь Рамановіч, Наша Ніва №33, 1997
^ На слоўнік.орг
^ спампаваць кнігу(недаступная спасылка), Пакаяньне, праект БХД

Вонкавыя спасылкі

Будзьма разам! // «Наша Ніва» №36, 1997

[1] Шуфляда на Камунікаце

[2] У СБМ я загартаваўся ў сапраўднага патрыёта(недаступная спасылка) Кастусь Рамановіч, Наша Ніва №33, 1997

[3] На слоўнік.орг

[4] спампаваць кнігу(недаступная спасылка), Пакаяньне, праект БХД

[1]

[2]

[3]

[4]