Артур Цяжкі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Артур Цяжкі
Асабістыя зьвесткі
Нарадзіўся 23 ліпеня 1943(1943-07-23)
Лылойці, Лылойцінскі сельсавет, Смаргонскі раён, Вялейская вобласьць, БССР, СССР
Памёр 5 красавіка 1984(1984-04-05) (40 гадоў)
Літаратурная дзейнасьць
Род дзейнасьці пісьменьнік

Артур Ёсіфавіч Цяжкі (23 ліпеня 1943, Лылойці, Смаргонскі раён, Гарадзенская вобласьць5 красавіка 1984) — беларускі празаік.

Жыцьццяпіс[рэдагаваць | рэдагаваць крыніцу]

Нарадзіўся ў сялянскай сям’і. Пасьля заканчэньня Сьвірскай сярэдняй школы Мядзельскага раёну (1963) працаваў у смаргонскай раённай газэце «Светлы шлях» літсупрацоўнікам. У 1963—1967 гг. служыў у Савецкай Арміі. У 1967—1968 гг. — літсупрацоўнік раённай газэты. З 1969 г. — карэспандэнт газэты «Чырвоная змена», з 1971 г. — уласны карэспандэнт гэтай газэты па Берасьцейскай вобласьці, у 1972—1975 гг. і ў 1978 г. — карэспандэнт берасьцейскай абласной газэты «Заря». У 1974 г. скончыў завочнае аддзяленьне журналістыкі Беларускага дзяржаўнага ўнівэрсытэту. У 1975—1977 гг. — карэспандэнт раённай газэты «Астравецкая праўда», зь верасьня 1978 г. — адказны сакратар Гарадзенскага абласнога таварыства аховы помнікаў гісторыі і культуры, у 1979 г. — карэспандэнт газэты «Голас Радзімы», са сьнежня 1979 г. — карэспандэнт газэты «Знамя юности», у 1981—1984 гг. — рэдактар Гарадзенскага абласнога навукова-мэтадычнага цэнтру народнай творчасьці.

Творчасьць[рэдагаваць | рэдагаваць крыніцу]

Першыя апавяданьні апублікаваў у 1966 г. (газэта «Літаратура і мастацтва»). Аўтар зборнікаў аповесьцей і апавяданьняў «Сустрэча пасля вясны» (1980), «Пара блакітных дажджоў» (1982), «Дзе мой дом?..» (1986).

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Беларуская энцыклапедыя: У 18 т. Т.17: Хвінявічы — Шчытні / Рэдкал.: Г. П. Пашкоў і інш. — Мн.: БелЭн, 2003. — Т. 17. — 512 с. — 10 000 экз. — ISBN 985-11-0035-8 (т. 17)
  • Артур Іосіфавіч Цяжкі // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.