Антынэя Мурашка

Антынэя Мурашка
Дата нараджэньня	15 кастрычніка 1924(1924-10-15)
Месца нараджэньня	Цараўцы, Кіраўскі сельсавет, Слуцкі раён, Слуцкая акруга, БССР, СССР
Дата сьмерці	18 студзеня 2011(2011-01-18) (86 гадоў)
Месца вучобы	філялягічны факультэт БДУ
Занятак	мовазнаўка
Месца працы	Інстытут мовазнаўства філялягічны факультэт БДУ
Бацька	Рыгор Мурашка

Антынэя Рыгораўна Мурашка (нар.15 кастрычніка 1924, вёска Кірава, Слуцкі раён — 18 студзеня 2011) — беларускі мовазнавец, кандыдат філялягічных навук, ляўрэат Дзяржаўнай прэміі СССР (1971).

Жыцьцяпіс

У 1948 годзе закончыла Беларускі дзяржаўны ўнівэрсытэт. З 1950 году — супрацоўніца Інстытуту мовазнаўства АН БССР, з 1963 году — дацэнт Беларускага дзяржаўнага ўнівэрсытэту.

Дасьледчык беларускай дыялекталёгіі, пытаньняў узаемадзеяньня беларускай мовы са славянскімі і неславянскімі мовамі. Суаўтар «Хрэстаматыі па беларускай дыялекталёгіі» (1962), «Дыялекталягічнага атлясу беларускай мовы» (ч. 1-2, 1963), «Нарысаў па беларускай дыялекталёгіі» (1964), «Сучаснай рускай мовы» (ч. 1-2, 1981).

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2000. — Т. 11: Мугір — Паліклініка. — 560 с. — ISBN 985-11-0188-5