Аляксандар Слупскі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Алякса́ндар Іва́нааіч Слу́пскі (16 красавіка 1864, места Слуцак — каля 1907) — беларускі і расейскі гісторык і археоляг.

Скончыў Менскую гімназію, у 1887 Пецярбурскі ўнівэрсытэт. 3 1893 Аляксандар Слупскі працаваў на Ўрале, дзе вывучаў архітэктуру і археалёгію Паўночнага Ўралу.

Аўтар нарысу «Ізяслаўль і Тураў...», які апублікаваны ў «Паўночна-Заходнім календары» на 1888 рок. Пад ягонай рэдакцыяй у Менску выдадзены «Паўночна-Заходні каляндар» на 1892 і 1893 рокі. У календары надрукаваны «Народны каляндар», артыкул «Гісторыя Менску» і інш.

У пэрыядычных выданьнях Менску зьмяшчаў гістарычна-краязнаўчыя і літаратурна-крытычныя артыкулы. У газэце «Минский листок» за 5 траўня 1895 надрукаваў артыкул «Стары Менск», у якім прыведзеныя біяграфічныя зьвесткі пра Вінцэнта Дуніна-Марцінкевіча.

Літаратура[рэдагаваць | рэдагаваць крыніцу]

  • Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.