Аляксандар Дашкевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Кібэрспартовец
Аляксандар Дашкевіч
Alexander XBOCT Dashkevich.jpg
Дата нараджэньня 29 сьнежня 1990 (28 гадоў)
Месца нараджэньня Ялта, УССР, СССР
Грамадзянства Сьцяг Украіны Украіна
Мянушкі XBOCT
Гульні DotA, Dota 2
Каманды

Сьцяг Украіны Planet-X (2009—2010)[1]
Сьцяг Украіны Na`Vi (22.10.2010 — 16.10.2015)
Сьцяг Расеі Team Empire (30.11.2015 — 01.03.2016)
Сьцяг Расеі Fantastic Five (29.03.2016 — 11.05.2016)
Сьцяг Расеі Team Spirit (16.05.2016 — 01.08.2016)

Сьцяг Расеі Cyber Anji (04.03.2017 — 18.05.2017)
Трэнэрская кар’ера
Сьцяг Украіны Na`Vi (30.07.2017 — 01.09.2018)[2]

Алякса́ндар Дашке́віч (па-ўкраінску: Олександр Юрійович Дашкевич; 29 сьнежня 1990, Ялта, АРК) — украінскі кібэрспартовец, гулец і трэнэр у Dota 2.

Аляксандар Дашкевіч нарадзіўся ў Ялце ў 1990 годзе. У дзяцінстве цікавіўся кампутарнымі гульнямі: спачатку Warcraft, а потым DotA. У школе насіў фрызуру зь невялікім хвастом, праз што і атрымаў мянушку «Хвост».

Пасьля сканчэньня школы паступіў у Кіеўскі дзяржаўны гандлёва-эканамічны ўнівэрсытэт на адмысловасьць «фінансыст». У Кіеве разам з камандаю Hard Team Аляксандар перамагае буйны лякальны турнір, пасьля чаго ў складзе Planet-X пачынае выступы на прафэсійнай сцэне.

У кастрычніку 2010 року XBOCT пераходзіць у каманду Natus Vincere, і разам з новым калектывам складае сур’ёзную канкурэнцыю наймацнейшай на той момант камандзе Ўкраіны DTS. Урэшце рэшт, з DTS у Natus Vincere пераходзяць два вядучыя гульцы: Даніла Ішуцін («Dendi») ды Іван Антонаў («Artstyle»). У 2011 годзе ў Natus Vincere пераходзяць яшчэ два гульцы: Клемэнт Іваноў («Puppey») ды Дзьмітры Купрыянаў («LightofHeaven»).

У 2011 годзе кампанія-распрацоўнік гульні Valve ладзіць турнір зь беспрэцэдэнтным на той момант прызавым фондам у 1 600 000 даляраў. Аляксандар у складзе Natus Vincere пачынае падрыхтоўку да турніру, што атрымаў назву The International, і ў рэшце рэшт атрымлівае ў ім перамогу. Першыя ў гісторыі чэмпіёны сьвету па Dota 2 прагулялі за ўвесь турнір усяго толькі адну мапу і перамаглі адзін мільён даляраў. Частка пераможаных грошай Аляксандар марнуе на набыцьцё кватэры ў Кіеве.

Неўзабаве каманду пакідае Іван Антонаў, і Аляксандар Дашкевіч пераходзіць на пазыцыю «кэры»[3]. Цягам некалькіх наступных рокаў XBOCT лічыцца адным з найлепшых кэры ў сьвеце. Напрыклад, хоць на турніры Alienware Cup 2013 у Кітаі, аналітыкі Beyond The Summit ацанілі ягоныя ўменьні на 4 балы з 10, Аляксандар здолеў прадэманстраваць свае лепшыя якасьці і дапамог сваёй камандзе перамагчы турнір; пасьля гэтага выпадку ў супольнасьці замацавалася аналёґія між лікам «чатыры» ды Аляксандрам у ролі «кэры».

У 2012 ды 2013 роках XBOCT у складзе Natus Vincere выходзіў у фінал The international, пасьля чаго вынікі пачалі пагаршацца. У 2015 годзе Natus Vincere прымаюць рашэньне распусьціць склад, і Аляксандар пакідае «народжаных перамагаць». XBOCT выступае ў шэрагу менш знакамітых камандаў, як Team Empire, Fantastic Five, Team Spirit, гуляе на замене ў HellRaisers ды Virtus.pro, аднак не дасягае істотных посьпехаў[4]. Тым ня менш, па стане на 2015 рок Аляксандар уваходзіў у дзясятку найпапулярнейшых гульцоў у Dota 2 у сьвеце[5].

У сакавіку 2017 року Аляксандар Дашкевіч падпісвае кантракт з махачкалінскім «Анжы», расейскім футбольным клюбам, што вырашыў адкрыць кібэрспартовы падразьдзел[6]. Аднак ужо праз два месяцы, ня здолеўшы знайсьці агульную мову з хаўрусьнікамі па камандзе, XBOCT пакідае клюб[7]. Улетку 2017 року Аляксандар Дашкевіч вяртаецца ў Natus Vincere ў якасьці трэнэра[8].

1 верасьня 2018 року Natus Vincere стварае цалкам новы склад каманды па Dota 2, які будуецца вакол расейскага гульца Акбара «SoNNeikO» Бутаева. Кіраўніцтва арґанізацыі і Аляксандар дашкевіч прыйшлі да паразуменьня, што XBOCT ня ўпісваецца ў новы склад і ён вырашае пакінуць пасаду трэнэра[9].

Крыніцы[рэдагаваць | рэдагаваць крыніцу]

  1. ^ Новая украинская команда - Planet-X DotA Праверана 2019-02-07 г.
  2. ^ XBOCT — тренер Natus Vincere(рас.) Праверана 07.02.2019 г.
  3. ^ «кэры» (па-ангельску: carry) — гулец з высокім баявым патэнцыялам, вакол якога будуецца гульня каманды
  4. ^ Александр «ХВОСТ» Дашкевич взял перерыв в карьере игрока Dota 2 - Чемпионат. championat.com. Праверана 2018-7-20 г.
  5. ^ Самые популярные игроки в Dota 2 - Чемпионат. championat.com. Праверана 2018-7-20 г.
  6. ^ «Анжи» уходит в киберпространство. iz.ru. Праверана 2018-7-20 г.
  7. ^ XBOCT: «Я ни с кем не мог найти общий язык». cybersport.ru. Праверана 2018-7-20 г.
  8. ^ ХВОСТ, выступавший за "Кибер Анжи", стал тренером Na’ Vi. КИБЕРСПОРТ - DOTA 2. СПОРТ-ЭКСПРЕСС. sport-express.ru. Праверана 2018-7-20 г.
  9. ^ Памылка выкліку Шаблён:Спасылка: Парамэтры url / спасылка і загаловак / title павінны прысутнічаць. cybersport.ru. Праверана 29 ліпеня 2019 г.