Алесь Есакоў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Алесь Есакоў
Асабістыя зьвесткі
Нарадзіўся 18 сьнежня 1911(1911-12-18)
Галіцкі раён
Памёр 13 чэрвеня 1985(1985-06-13) (73 гады)
Літаратурная дзейнасьць
Род дзейнасьці пісьменьнік

Алесь Есакоў (18 сьнежня 1911 в. Новікава Галіцкі раён, Кастрамская вобласьць13 чэрвеня 1985) — беларускі пісьменьнік, літаратуразнаўца.

Жыцьцяпіс[рэдагаваць | рэдагаваць крыніцу]

Нарадзіўся ў сям’і рабочага. Працаваў на Менскай шчотачнай фабрыцы імя Н.К.Крупскай у 1928 годзе. Быў артыстам і загадчыкам літаратурнай часткі Тэатру рабочай моладзі. Вучыўся на рабфаку, у Дзяржаўным інстытуце тэатральнага мастацтва імя А.В.Луначарскага (1932-1935). Служыў у Чырвонай Арміі (1935-1936). З 1936 году — загадчык аддзелу мастацтва ў газэце «Літаратура і мастацтва», з 1938 году — дырэктар Рэспубліканскага тэатру юнага гледача, з 1940 г. — начальнік аддзелу тэатраў Упраўленьня па справах мастацтва пры СНК БССР[1].

Удзельнічаў як ваенны журналіст у паходзе Чырвонай Арміі ў Заходнюю Беларусь і ў савецка-фінляндзкай вайне. У час Вялікай Айчыннай вайны знаходзіўся ў дзеючай арміі, потым у партызанскім атрадзе на Меншчыне. Быў паранены.

Пасьля вайны працаваў начальнікам Галоўрэперткому БССР (1944-1945), загадчыкам аддзелу ў газэце «Літаратура і мастацтва» (1945-1951), літкансультантам у СП БССР (1951-1960). У 1960-1974 гадах — навуковы сакратар Літаратурнага музэя Янкі Купалы. Сябра СП СССР з 1947 году.

Творчасьць[рэдагаваць | рэдагаваць крыніцу]

Літаратурную дзейнасьць пачаў у 1928 годзе. Адзін з аўтараў п’есы «Першы штандар» (1930, пастаўлена ў 1929). Выдаў манаграфічны нарыс «Уладзімер Крыловіч» (1956), нарысы «Калгасны хор сяла Азершчына» (з Б.Смольскім, 1953) і «Старэйшы самадзейны калектыў» (1958), манаграфію «Янка Купала і беларускі тэатар» (1972), брашуру «Янка Купала і беларускае мастацтва» (1972). У 1977 годзе выйшла кніга «Зерне да зерня: Абразкі з жыцьця Янкі Купалы».

Узнагароды[рэдагаваць | рэдагаваць крыніцу]

Узнагароджаны мэдалямі.

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Беларускія пісьменьнікі: 1917-1990. Менск: Мастацкая літаратура, 1994. ISBN 5-340-00709-X