Абмеркаваньне Вікіпэдыі:Крытэры абраных артыкулаў

Графіка на беларускай мове[рэдагаваць крыніцу]

Паводле абмеркаваньня артыкула Мяцеж Глінскіх прапаную дадаць у крытэры абраных пункт «Графіка на беларускай мове: графічныя матэрыялы да артыкула (мапы, схемы і да т. п.) мусяць быць на беларускай мове». Калі ж такая ўмова не выконваецца, артыкул можа быць намінаваны на добрыя. --Red_Winged_Duck 13:37, 20 траўня 2013 (FET)

Супраць. Ідэя кепская і надзвычай шкодная. Аргумэнты:

1) Арганізацыя Паўночнаатлянтычнай дамовы · Усеўкраінскае аб’яднаньне «Свабода» · Летува · Стакгольм · Траецкае прадмесьце · Галакост у Эстоніі · Паўстаньне 1863 году на Пружаншчыне · Грунвальдзкая бітва — адразу восем артыкулаў, у тым ліку і вельмі якасныя з выдатна раскрытаю тэмаю, аўтаматычна паводле Вашай лёгіцы страчваюць статус абраных, бо ўтрымліваюць непажаданыя мапы-схемы.
2) Зноў жа паводле вашай лёгіцы з тых артыкулаў трэба выкінуць пару выяў і яны зноў адпавядаюць фармальным крытэрам абраных, хоць і страцілі ў інфарматыўнасьці, гэта прывядзе да штучнага абмежаваньня выкарыстаньня выяў у артыкулах, што пртэтэндуюць на статус асабліва якасных.
3) А як быць з гістарычнымі мапамі? : , , Файл:Minsk 1790.jpg, і г.д.
4) А як быць з артыкуламі пра краіны з мапамі кшталту такіх ці такіх вось джыфак
5) Чаму Вы думаеце, што кожны ўдзельнік дастаткова добра валодае графічнымі рэдактарамі для таго, каб ствараць свае карты?У гэтым разьдзеле яўна ня час для такіх радыкальных крытэраў (ці ёсьць увогуле хоць у адным Вікі-разьдзеле такія патрабаваньні?).--Mr. Sрock (гутаркі) 17:59, 20 траўня 2013 (FET)

Супраць. Няма ў беларускамоўнай прасторы належнай колькасьці вольна даступных мапаў і людзей, якія б іх стваралі. — Wizardist ^{г +у} 18:07, 20 траўня 2013 (FET)

Супраць Такога крытэру няма, мабыць, ні ў адно зь вікіпэдыяў. Такімі крытэрамі й прагай да бюракратызму можна канчаткова забіць гэтую вікі, наведвальнасьць у якой і так вельмі нізкая. Liashko (гутаркі) 18:21, 20 траўня 2013 (FET)

Спасылкі на крыніцы інфармацыі[рэдагаваць крыніцу]

Здаецца гэта відавочны пунтк для абраных артыкулаў, але яго чамусьці няма ў пераліку крытэраў абраных. Дадаем? --Mr. Sрock (гутаркі) 12:37, 30 лістапада 2013 (FET)