«Дняпро» — колішні футбольны клюб з гораду Магілёва. Заснаваны ў 2012 годзе. У 2018 і 2019 гадах выступау ў найвышэйшай лізе чэмпіянату Беларусі. Спачатку меў назву «Прамень», а па аб’яднаньні з магілёўскім «Дняпром» узяў назву апошняга.
У сэзоне 2013 году выступаў пад назвай АЛФ-2007. У 2013—2015 гадах выступаў у другой лізечэмпіянату Беларусі. Перад пачаткам сэзону 2017 году клюб быў пазбаўлены 10 пунктаў за ўдзел у дагаварных гульнях у сэзоне 2016 году[1], але нягледзячы на гэта «Прамень» заняў першае месца ў першай лізе і атрымаў права выступіць у 2018 годзе ў найвышэйшым дывізіёне. У 2014—2018 гадах каманда выступала пад назвай «Прамень». У лютым 2019 году «Прамень» і магілёўскі «Дняпро» аб’ядналіся ў адну каманду, якая заняла месца «Праменю» ў найвышэйшай лізе і атрымала назву «Дняпро» зь месцам базаваньня ў Магілёве[2].
