Інга-Ліна Ліндквіст

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Інга-Ліна Ліндквіст
Асабістыя зьвесткі
Імя пры нараджэньні Інга-Ліна Кузьменка
Нарадзілася 25 красавіка 1964
Вільня, Летувіская ССР, СССР
Літаратурная дзейнасьць
Род дзейнасьці пісьменьніца, паэтка, празаік, літаратурны крытык, выкладчыца крэатыўнага пісьма.
Мовы расейская, швэдзкая
Узнагароды
Вікіпэдыя мае артыкулы пра іншых асобаў з прозьвішчам Кузьменка.
Вікіпэдыя мае артыкулы пра іншых асобаў з прозьвішчам Ліндквіст.

І́нга-Лі́на Лі́ндквіст, дзявочае Кузьме́нка (па-швэдзку: Inga-Lina Lindqvist; нар. 25 красавіка 1964, Вільня, Летувіская ССР) — швэдзкая пісьменьніца, паэтка, празаік, літаратурны крытык, выкладчыца крэатыўнага пісьма, журналістка.

Біяграфія[рэдагаваць | рэдагаваць крыніцу]

Дзяцінства правяла ў Барысаве, скончыла 8 клясаў Барысаўскай СШ № 9. У 1979 годзе пераехала да маці і айчыма ў Швэцыю[1]. Працавала школьнай настаўніцай, выкладчыцай у тэатральнай вучэльні, на платных курсах маладых пісьменьнікаў, журналісткай, перакладчыцай. Замужам, мае трох дзяцей.

Асьвятляе ў швэдзкіх СМІ сытуацыю ў Беларусі пасьля Прэзыдэнцкіх выбараў 2020 году.[2][3]

Творчасьць[рэдагаваць | рэдагаваць крыніцу]

Піша на расейскай мове, затым сама перакладае на швэдзкую. Аўтарка твораў для дарослых і дзяцей. Дэбютавала ў 1994 годзе зборнікам паэзіі «Änglaspår» («По ангельским следам» — Па анёльскіх сьлядох). Другі зборнік паэзіі «Hjärtliga hälsningar» («С сердечным приветом» — З сардэчным прывітаньнем) выйшаў у 1996 годзе. Аўтарка кніг «Klark Svensson och kärleken» («Кларк Свенссон и любовь» — Клярк Свэнсан і каханьне), «Om du bara visste ur vilken bråte dikter växer utan att skämmas» («Когда б вы знали, из какого сора растут стихи, не ведая стыда», 2002 — Каб вы ведалі, зь якога сьмецьця растуць вершы, ня ведаючы сораму), «Avdelningen för påhittade föremål» («Отдел придуманных вещей», 2004 — Аддзел прыдуманых рэчаў) і іншых.

Ляўрэат прэміі Швэдзкай Акадэміі (1997) і інш.

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Швецыя і Беларусь / Шведскі Інстытут. Перакл. Інэса Моін. — Solna, 2006. ISBN 9152006816