Ігар Шаруха

Зьвесткі зь Вікіпэдыі — вольнай энцыкляпэдыі

Ігар Мікалаевіч Шаруха (8 чэрвеня 1968, Полацак, Віцебская вобласьць) — беларускі географ, краязнаўца. Кандыдат педагагічных навук, дацэнт.

Біяграфія[рэдагаваць | рэдагаваць крыніцу]

Нарадзіўся 8 чэрвеня 1968 году ў Полацку. Вучыўся на геаграфічным факультэце БДУ (1985—1992). Служыў у войску (1986—1988). У 2000 г. абараніў кандыдацкую дысертацыю па спэцыяльнасьці «Агульная пэдагогіка». Працуе ў Магілёўскім дзяржаўным ўнівэрсітэце імя Аркадзя Куляшова з 1993 г. У 2000—2008 гг. — намесьнік дэкана факультэту прыродазнаўства па навуковай рабоце, у 2008—2012 гг. — загадчык катэдры геаграфіі і аховы прыроды, у 2012—2015 гг. — дэкан факультэту прыродазнаўства, у 2015—2016 гг. — загадчык катэдры прыродазнаўства факультэту матэматыкі і прыродазнаўства, з 1 лістапада 2016 г. — прафэсар катэдры прыродазнаўства.

Старшыня магілёўскага абласнога аддзелу ГА «Беларускае геаграфічнае таварыства» (з 2004 г., да гэтага, у 1993—2004 — вучоны сакратар). Адказны рэдактар геаграфічнага часопісу абласнога аддзяленьня Беларускага геаграфічнага таварыства «Магілёўскі мерыдыян» (з 2001 г.).

Жыве і працуе ў Магілёве.