Ігар Заяц
| Ігар Заяц | ||
| Пэрсанальная інфармацыя | ||
|---|---|---|
| Нарадзіўся | 8 студзеня 1999[1] (25 гадоў) | |
| Рост | 181 см | |
| Вага | 85 кг[1] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2019—2022 | Дынама Менск | 0 (0) |
| 2019 | → Смалявічы | 25 (0) |
| 2020—2021 | → Гомель | 42 (0) |
| 2022 | → Слуцак | 13 (0) |
| 2023 | Слуцак | 20 (1) |
| 2024 | Гомель | 28 (0) |
І́гар За́яц (нар. 8 студзеня 1999) — беларускі футбаліст, абаронца «Гомля».
Кар’ера
[рэдагаваць | рэдагаваць крыніцу]Пачынаў займацца футболам у МТЗ-РІПА. Апасьля трапіў у структуру менскага «Дынама», дзе з 2017 году выступаў за клюбны дубль. У лютым 2019 году быў аддадзены ў арэнду клюбу «Смалявічы», дзе быў трывалым гульцом стартавага складу, дапамог камандзе выйсьці ў Найвышэйшую лігу.
У лютым 2020 году на правах арэнды далучыўся да «Гомлю»[2]. У гомельскім клюбе таксама замацаваўся ў аснове і дапамог яму вярнуцца ў элітны дывізіён. Па заканчэньні арэнды ў сьнежні 2020 году пакінуў «Гомель»[3], у пачатку 2021 году трэнаваўся з дублем «Дынама». У лютым 2021 году зноў быў арандаваны гомельскім клюбам[4]. 13 сакавіка 2021 году дэбютаваў у Найвышэйшай лізе ў матчы першага тура супраць берасьцейскага «Руху» (1:1), правёўшы на полі ўсе 90 хвілінаў. У далейшым працягваў выступаць у стартавым складзе, пазьней пачаў часам выходзіць на зьмену. У лістападзе 2021 году па заканчэньні арэнды вярнуўся ў «Дынама»[5]. У першай палове 2022 году трэнаваўся з асноўнай камандай дынамаўцаў, але выходзіў на поле толькі ў дублюючым складзе.
У ліпені 2022 году быў аддадзены ў арэнду ў «Слуцак»[6], дзе хутка замацаваўся ў першай адзінаццатцы. У сьнежні 2022 году па заканчэньні арэнды пакінуў слуцкі клюб[7], аднак у студзені 2023 году, пакінуўшы «Дынама», падпісаў паўнавартаснае пагадненьне з «Слуцкам»[8]. У студзені 2024 году па заканчэньні кантракта пакінуў «Слуцак»[9] і неўзабаве вярнуўся ў «Гомель»[10], але гэтым разам як паўнавартасны гулец каманды.
Крыніцы
[рэдагаваць | рэдагаваць крыніцу]- ^ а б в г д е ё https://sfc-slutsk.by/person/408
- ^ Футбол. "Гомель" арендовал у минского "Динамо" двух игроков Праверана 6 мая 2021 г. Архіўная копія ад 23 лютага 2022 г.
- ^ Возвращение Янсане: Беларусь или Казахстан? Архівавана 6 мая 2021.
- ^ "Гомель" объявил о продолжении сотрудничества с Зайцем
- ^ Арендованные игроки «Гомеля» вернулись в расположение своих клубов
- ^ Минское "Динамо" отдало в аренду трех игроков
- ^ Четверо футболистов покинуло "Слуцк" (рас.). football.by (2022-12-03). Праверана 2022-12-20 г.
- ^ Заяц и Яцкевич продлили контракты со "Слуцком" (рас.) Праверана 2023-01-05 г.
- ^ Покинул клуб. (рас.) Афіцыйны сайт «Слуцка»
- ^ Экс-игрок "Слуцка" вернулся в "Гомель" (рас.)
Вонкавыя спасылкі
[рэдагаваць | рэдагаваць крыніцу]- Профіль (анг.) на Transfermarkt
- Профіль (анг.) на Soccerway