Іван Юшкевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
У Вікіпэдыі ёсьць артыкулы пра іншых асобаў з прозьвішчам Юшкевіч.
Іван Юшкевіч
Stamps of Lithuania, 2015-17.jpg
Род дзейнасьці этнограф, лінгвіст, выдавец, выкладчык
Дата нараджэньня 8 чэрвеня 1815(1815-06-08)
Месца нараджэньня Dilbė[d], Расіенскі павет, Віленская губэрня, Расейская імпэрыя
Дата сьмерці красавік 1886
Месца сьмерці Казань
Альма-матэр Крожскі езуіцкі калегіум[d] і Харкаўскі нацыянальны ўнівэрсытэт
Занятак выкладчык, этнограф, мовазнаўца, выдавец і журналіст

Іван Васілевіч Юшкевіч (1815 — красавік 1886, Казань) — расейскі выкладчык, летувіскі этнограф-дасьледчык, мовазнаўца, выдавец. Брат Антона Юшкевіча.

Біяграфія[рэдагаваць | рэдагаваць крыніцу]

Быў настаўнікам 3-е Казанскай гімназіі. Знаходзіўся на службе 42 гады, зь якіх апошнія 22 — у ведамстве міністэрства Народнай Асьветы. Разам з братам займаўся дасьледваньнем летувіскае мовы й традыцыяў, асабліва вясельных. Быў рэдактарам і выдаўцом як сваіх уласных прац, так і прац брата, які сабраў масу этнаграфічнага і лінгвістычнага матэрыялу, але да друку пасьпеў прыгатаваць толькі малую частку. Аўтарству Івана Юшкевіча прыналежаць: "Записка о грамматике А. Шлейхера" (Цыдулка аб граматыцы А. Шлейхера; "Известия II Отделения Императорской Академии Наук", 1856, том V; асобна — Санкт-Пецярбург, 1856), "О говорах литовского языка" (Аб гаворках літоўскай мовы; ibidem, 1861, том Х) і "Литовские народные песни, с переводом на русский язык" (Летувіскія народныя песьні, зь перакладам на расейскую мову; Санкт-Пецярбург, 1867). Пасьля, пры садзейнічаньні прафэсара Бадуэна-дэ-Куртэнэ, выдаў дзьве працы брата Антона Юшкевіча. У 1883 Расейская Акадэмія Навук выдала шырокую складанку "Литовские свадебные песни" (Летувіскія вясельныя песьні), складзеную Іванам Юшкевічам і з матэрыялаў яго брата. Іван Юшкевіч займаўся паміж іншым складаньнем шырокага летувіска-польска-расейскага слоўніка, але пасьпеў надрукаваць толькі дзесяць лістоў яго; у рукапісы гэтая праца быў скончаны, але патрабаваў яшчэ значных дадаткаў.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]