Іаан Сухараў

Кібэрспартовец
	Іаан Сухараў
	па-ўкраінску: Іоанн Сухарєв
	;
Дата нараджэньня	28 сьнежня 1987 (36 гадоў)
Месца нараджэньня	Харкаў, УССР, СССР
Грамадзянства	Украіна
Мянушкі	Edward
Каманда	Winstrike Team (з 29.5.2019)
Роля	капітан, райфлер
Кар’ера	2001 — дагэтуль
Гульні	Counter-Strike; Counter-Strike: Global Offensive
Каманды
	Virtus.pro (14.8.2007 — 20.12.2008); pro100 (2004 — 28.6.2007, 10.1.2009 — 22.5.2009); DTS Gaming (22.5.2009 — 2.9.2009); HellRaisers (5.9.2009 — 18.12.2009); Natus Vincere (18.12.2009 — 19.7.2013); Astana Dragons (19.7.2013 — 6.11.2013); Natus Vincere (9.12.2013 — дагэтуль)

Іа́ан Су́хараў (па-ўкраінску: Іоанн Сухарєв; 28 сьнежня 1987, Харкаў, УССР) — украінскі кібэрспартовец, сусьветна вядомы гулец у Counter-Strike, шматразовы чэмпіён сьвету.

Кар’ера

На сустрэчы х прэм’ер-міністрам Украіны Мікалаем Азаравым. Іаан — другі справа.

Першыя матчы правёў у складзе Харкаўскае каманды, прадстаўляючы клюб «CyberCity 2000», у 2001—2002 роках. У клюбе штомесяц праводзіліся турніры, а каманда ў складзе якое быў Іаан стабільна займаў першыя месцы. Ужо тады Іаан паказаў сябе як пэрспэктыўны гулец у дадзенай дысцыпліне. У склад каманды ўваходзілі: Раман «Overmaster» Ісакаў, Філіп «LIHO», Аляксандар «Doberman», Аляксей «AlexMAN» Зубрыенка, Дзяніс «Sonic`» Валненка. Неўзабаве каманда распалася, а Edward быў запрошаны да pro100.

У складзе pro100

pro100 — першы сур’ёзны кібэрспартовы клюб у кар’еры Іаана. У складзе гэтае каманды ён двойчы перамагаў нацыянальныя адборчыя туры на сусьветны чэмпіянат сэрыі WCG, у 2005 ды 2006 роках, у 2007 годзе заваяваў срэбра дадзенага турніру. Варта адзначыць, што ў складзе pro100, чатыры разы перамагаў золата на фіналах турніру сэрыі Asus.

Праект пакінуў у ліпені 2007 року, калі разам з Данілам Тэсьленкам перайшоў у расейскі праект Virtus.pro.

З 10 студзеня па чэрвень 2009 року ізноў выступаў за pro100^[1].

У складзе Virtus.pro

У ліпені 2007 року Іаана запрашаюць у расейскі праект Virtus.pro. У новым складзе хлопцы перамагаюць летні Asus 2007 року і заваёўваюць срэбра на восеньскім. За мядзьведзяў Іаан выступае разам з сваім Харкаўскі сябрам Данілам «Zeus» Тэсьленкам. Два леґіянэры і тры гульцы з Расеі прадстаўляюць «мядзьведзей».

У такім складзе хлопцы гуляюць да сьнежня 2008 року. Пасьля чаго Іаан зноў пераходзіць у pro100.

У складзе Astana Dragons

У ліпені 2013 року пакінуў Na`Vi. Зь 19 ліпеня таго ж року выступае за каманду Astana Dragons.

Акрамя Іаана ў камандзе яшчэ два гульцы з Украіны — Ягор «Markeloff» Маркелаў і Кірыла «ANGE1» Карасёў, гулец з Расеі — Міхаіл «Dosia» Сталяроў і гулец з Казахстану — Даўрэн «AdreN» Кыстаўбаеў.

Першаю перамогаю цмокаў стаў Techlabs Cup UA 2013. Цмокі пасьпяхова пераадолелі он-лайн кваліфікацыю, пераадолеўшы ўсіх сваіх супернікаў. На LAN фінале ў Кіеве хлопцы перамаглі супернікаў з каманды fnatic з рахункам 2:0 п мапах.

Наступным LAN турнірам стаў DreamHack у Румыніі. AD выйшлі з ґрупы зь першага месца. У сетцы яны абыгралі каманду n!faculty і выйшлі ў чвэрцьфінал, дзе саступілі з рахункам 2:1 па мапах, будучым чэмпіёнам — NiP. У выніку каманда з Астаны падзяліла 3-4 месца з украінскаю камандаю Na`Vi.

У кастрычніку 2013 року цмокі заваявалі срэбра ў сёмым сэзоне SLTV StarSeries VII. Па выніках сэзону хлопцы занялі чацьвертае месца, а на фінальных гульнях абыйшлі каманды Fnatic ды NiP, але саступілі францускай арґанізацыі VeryGames.

На пачатку лістапада 2013 року каманда заваявала трэцяе месца на чэмпіянаце сьвету паводле ESWC.

6 лістапада было анансавана, што Іаан пакідае каманду, а на замену прыходзіць Эміль «Kucher» Ахундаў^[2].

У складзе Natus Vincere

Найбольшых посьпехаў дамогся ў пэрыяд з 2009 па 2012 рокі, выступаючы за мультыґеймінґавы праект Natus Vincere. У складзе «Народжаных перамагаць» выйграў чатыры чэмпіянаты сьвету. Украінскі праект стаў сусьветна вядомым.

14 чэрвеня 2010 року ў будынку Кабінэта Міністраў адбылася сустрэча прэм’ер-міністра Ўкраіны Мікалая Азарава ды каманды Natus Vincere. На ёй у тым ліку абмяркоўваліся пытаньні розьвітку індустрыі інфармацыйных тэхналёґіяў на Ўкраіне^[3].

Сума прызавых у 2010 годзе — 225 080 даляраў, што ё найвышэйшым дасягненьнем за ўсю гісторыю прафэсійнага Counter-Strike. Папярэднія рэкорды належалі швэдзкім камандам SK Gaming (183 000 даляраў у 2003 годзе) ды fnatic (189 000 даляраў у 2009 годзе)^[4].

У 2013 годзе зьвярнуўся ў Na`Vi^[5].

Статыстыка

Зводная статыстыка па турнірах, згуляных Іаанам.

Рок	Колькасьць турніраў	месца	месца	месца	Прызавыя	Прызавыя на чалавека
2004—2017	212	54	39	27	$1 916 486	$381 414
2004	1	0	0	1	$500	$100
2005	8	4	0	1	$3 555	$711
2006	11	6	0	0	$13 650	$2 730
2007	8	4	3	1	$37 480	$7 496
2008	5	4	0	0	$16 100	$3 220
2009	7	1	2	0	$12 080	$2 416
2010	21	11	2	3	$225 080	$45 016
2011	14	5	2	5	$97 150	$19 430
2012	12	2	9	0	$73 010	$14 602
2013	23	4	4	2	$30 545	$6 109
2014	28	5	5	2	$89 373	$18 272
2015	35	5	7	7	$389 463	$77 279
2016	22	3	4	3	$721 500	$142 633
2017	17	1	1	2	$207 000	$41 400

Крыніцы

^ ProPlay / Новости / pro100 возвращаются! Праверана 2013-10-12 г.
^ Иоанн покидает команду Astana Dragons Праверана 2013-11-06 г.
^ Встреча премьер-министра Украины Праверана 2013-10-12 г.
^ Рекордные призовые Праверана 2013-10-12 г.
^ Изменения в составе Na`Vi.CSGO - Официальный командный сайт киберспортивной организации Natus Vincere. read.navi-gaming.com. Праверана 2017-08-09 г.

[1] ProPlay / Новости / pro100 возвращаются! Праверана 2013-10-12 г.

[2] Иоанн покидает команду Astana Dragons Праверана 2013-11-06 г.

[3] Встреча премьер-министра Украины Праверана 2013-10-12 г.

[4] Рекордные призовые Праверана 2013-10-12 г.

[5] Изменения в составе Na`Vi.CSGO - Официальный командный сайт киберспортивной организации Natus Vincere. read.navi-gaming.com. Праверана 2017-08-09 г.

[1]

[2]

[3]

[4]

[5]