Чырвоным па Белым
| Чырвоным па Белым (ЧпБ) | |
| Гады | 2004 — нашы дні |
|---|---|
| Краіна | |
| Месца ўтварэньня | Беларусь |
| Мова | беларуская |
| Жанр | рэп |
| Выдавец | KROU Entertainment |
| Зьвязаныя праекты | Імпэратар |
| Удзельнікі | Krou Realize DJ Spox |
| Былыя ўдзельнікі | Slavko Палкоўнік Zeman Jaycop |
Чырво́ным па Бе́лым (ЧпБ, Čyrvonym pa Biełуm, ČpB) — беларускі рэп-гурт.
Гісторыя
[рэдагаваць | рэдагаваць крыніцу]ЧпБ убачыў сьвет напрыканцы 2004 году. Тады, заснавальнік Kroŭ і бітмэйкер Slavko запісалі сваю першую кружэлку «Актуальная Тэматыка». Запіс распаўсюджваўся толькі праз Інтэрнэт. Гурт, з самага пачатку, быў вельмі таямнічы. Хлопцы ўвогуле нічога пра сябе не распавядалі. На здымках нельга было ўбачыць іх твараў. Кроў выступаў толькі й выключна ў масцы. На нейкі час перад пачаткам працы над «Вулічнымі Байцамі» да ЧпБ далучыўся яшчэ адзін удзельнік — Палкоўнік.
Быў выдадзены студыйны трэк «Не жадаю», які зьміксаваў польскі бітмэйкер Młody Grzech на студыі ў Варшаве.
У 2006 выходзіць першы афіцыйны альбом гурта выдадзены на CD-кружэлцы «Найлепшае 2004—2005». Гэта складанка найбольш вядомых трэкаў з двух першых альбомаў.
Перад выхадам чацьвертага альбома «Крывавы сакавік» (2007) шэрагі гурту папоўніліся новымі ўдзельнікамі. Далучыліся маладыя выканаўцы зь Беларусі: Realize і Zeman (таксама ўдзельнікі гурта «Імпэратар») , Jaycop і DJ з Польшчы: DJ Spox.
«Крывавы Сакавік» гэта другі афіцыйны альбом гурта выдадзены на кружэлцы CD. Пасьля выхаду альбому з гурта зыходзіць Zeman, які патлумачыў гэта так: «Я перастаў ужо верыць у тое, што чытаю, ня веру ў перамены, і таму не хачу падманваць людзей сваімі тэкстамі». Таксама з-за малага досьведу з гурта быў выдалены Jaycop.
На цяперашні момант ЧпБ гэта: Krou, Realize, DJ Spox
Дыскаграфія
[рэдагаваць | рэдагаваць крыніцу]Альбомы
[рэдагаваць | рэдагаваць крыніцу]- Актуальная Тэматыка (нелегал) (LP 2004, нелегал, Менск, AmbasadaMG)
- Вулічныя Байцы (нелегал) (EP 2005, нелегал, Менск, AmbasadaMG)
- Найлепшае 2004—2005 (LP 2006, Менск, AmbasadaMG, VoliaMusic)
- Крывавы сакавік (LP 2007, Менск, AmbasadaMG)
Удзел у складанках
[рэдагаваць | рэдагаваць крыніцу]- Песьні свабоды (2006)
- Чарнобыльскі вецер (2006)
- Песьні свабоды-2 (2006)
- Прэм’ер Тузін 2006 (2006)
- Песьні на вершы Новіка-Пяюна (2007)
- Песьні свабоды-3 (2007)
- Трыб’ют А. Мельнікава (2007)
Удзельнікі
[рэдагаваць | рэдагаваць крыніцу]У асноўны склад гурту «Чырвоным па Белым» уваходзяць 3 асобы. Сярод іх 2 MC і 1 DJ.