Прагляд крыніцы для Тадэвуш Кандрусевіч

{{Герарх
|лацінка             = Tadevuš Kandrusievič
}}
{{Цёзкі}}
'''Тадэ́вуш Кандрусе́віч''' ({{мова-pl|Tadeusz Kondrusiewicz|скарочана}}; нарадзіўся 3 студзеня 1946 году, мяст. [[Адэльск]], [[Гарадзенскі раён]]) — каталіцкі [[арцыбіскуп]] [[Мітрапаліт]] [[Менска-Магілёўская архідыяцэзія|Менска-Магілёўскі]].

== Сьвецкае жыцьцё ==
Сын Ігнацыя (1906—1985) і Ганны з Шустаў (1911—1999) Кандрусевічаў, меў сястру Марыю Бурыху (1949—1997).

У 1962 годзе паступіў на фізыка-матэматычны факультэт [[Гарадзенскі пэдінстытут|Гарадзенскага пэдагагічнага інстытуту]], адкуль праз год вымушаны быў сысьці ў сувязі з абвінавачваньнямі ў рэгулярным наведваньні касьцёлу і ўдзеле ў набажэнствах. Адпрацаваўшы год у праектна-будаўнічай арганізацыі ў [[Горадня|Горадні]], у 1964 годзе паступіў на энэргамашынабудаўнічы факультэт [[Ленінградзкі політэхнічны інстытут|Ленінградзкага політэхнічнага інстытуту]], які скончыў ў 1970 на «выдатна», атрымаў дыплём інжынэра-мэханіка па спэцыяльнасьці «гідраўлічныя машыны і сродкі аўтаматыкі». Працаваў інжынэрам на [[Вільня|Віленскім]] заводзе шліфавальных станкоў: напачатку ў зборачным цэху, потым — у канструктарскім бюро. У складзе групы інжынэраў атрымаў аўтарскае пасьведчаньне на вынаходку «Прамысловы ўзор спэцыяльнага высакахуткаснага шліфавальнага станка для [[ВАЗ|Волскага аўтамабільнага завода]]».

== Служба ў Летуве й Беларусі ==
У 1976—1981 навучаўся ў Духоўнай сэмінарыі ў [[Коўна|Коўне]]. 31 траўня 1981 прыняў сьвятарскае пасьвячэньне з рук біскупа [[Людас Павілоніс|Людаса Павілоніса]]. У 1981—1986 быў вікарыем у віленскім касьцёле сьв. Тарэсы пры [[Вострая Брама|Вострай Браме]], у 1986—1987 — парафіі Маці Божай Шкаплернай у [[Друскенікі|Друскеніках]], у 1987—1988 — у віленскім касьцёле Сьвятога Духа. 13 лютага 1988 прызначаны пробашчам гарадзенскіх парафіяў Маці Божай Анёльскай і сьвятога Францішка Ксавэрыя (катэдра). У 1985 на тэалягічным факультэце ў Коўне атрымаў ступень ліцэнцыята тэалёгіі, абараніўшы працу на тэму «Вучэньне Дагматычнай канстытуцыі ІІ Ватыканскага Сабору Lumen Gentium пра Касьцёл». У 1988 тамсама абараніў дысэртацыю на тэму «Паглыбленьне вучэньня пра Касьцёл у працах ІІ Ватыканскага Сабору і ў яго дакумэнтах» і атрымаў навуковую ступень доктара тэалёгіі.

25 ліпеня 1989 году [[Ян Павал II|Папа Ян Павал ІІ]] прызначыў яго тытулярным біскупам [[Гіпон Зарыцкі (тытулярная катэдра)|Гіпона-Зарыцкім]] і апостальскім адміністратарам [[Менская дыяцэзія|Менскай дыяцэзіі]]. Біскупскую сакру, якая адбылася 20 кастрычніка 1989 у базыліцы сьвятога Пятра ў Рыме, узначаліў Папа Ян Павел ІІ. Біскупскі дэвіз Тадэвуша Кандрусевіча ''Quis ut Deus'' — «Хто ж як Бог». Падчас свайго біскупскага служэньня ў Беларусі заснаваў Гарадзенскую вышэйшую духоўную сэмінарыю, спрыяў вяртаньню і адкрыцьцю каля 100 раней зачыненых касьцёлаў і прычыніўся да выданьня «Парадку Імшы» і «Катэхізісу» на [[беларуская мова|беларускай мове]], распачаўшы такім чынам справу адраджэньня Касьцёла ў Беларусі.

== Служба ў Расеі ==
13 красавіка 1991 менаваны арцыбіскупам і прызначаны Апостальскім адміністратарам для каталікоў лацінскага абраду Эўрапейскае часткі [[Расея|Расеі]]. У 1994—1999 — чалец [[Кангрэгацыя Ўсходніх Цэркваў|Кангрэгацыі Ўсходніх Цэркваў]]. За час яго біскупскага служэньня ў Расеі ў Міністэрстве юстыцыі РФ была афіцыйна зарэгістраваная Апостальская Адміністратура для каталікоў лацінскага абраду, што дало ёй правы юрыдычнай асобы; была праведзена юрыдычная рэгістрацыя вялікай колькасьці адноўленых парафіяў і іншых касьцёльных структураў. У 1991 у Маскве быў заснаваны Каледж каталіцкае тэалёгіі імя сьвятога [[Тамаш Аквінскі|Тамаша Аквінскага]], 3 філіялы якога дзейнічаюць у іншых гарадах (выдаецца часопіс «Puncta…», раней — «Theologia»); у [[Санкт-Пецярбург]]у заснавана «Радыё Марыя»; у 1993 у Санкт-Пецярбургу адкрытая Вышэйшая духоўная сэмінарыя «Марыя — Каралева Апосталаў».

Пасьля падзелу Адміністратуры 23 лістапада 1999 прызначаны Апостальскім Адміністратарам для каталікоў лацінскага абраду Поўначы Эўрапейскае часткі Расеі. У лютым 1999 абраны Старшынём навастворанае [[Канфэрэнцыя Каталіцкіх Біскупаў Расейскае Фэдэрацыі|Канфэрэнцыі Каталіцкіх Біскупаў Расейскае Фэдэрацыі]]. 11 лютага 2002 апостальская адміністратура была ўзьведзеная ў ранг архідыяцэзіі з назваю [[архідыяцэзія Божае Маці]] і з катэдрай у [[Масква|Маскве]], і Тадэвуш Кандрусевіч стаў яе першым ардынарыям. Дзякуючы яго намаганьням у Расеі распачала працу дабрачынная арганізацыя «[[Caritas]]», былі створаны інфармацыйна-выдавецкі цэнтар «Истина и жизнь», [[салезіянцы|салезіянскі]] і [[францішкане|францішканскі]] выдавецкія цэнтры, а таксама Духоўная бібліятэка (выдадзена больш за 600 найменьняў тэалягічнае, рэлігійнае, філязофскае і літургічнае літаратуры), заснаваныя штотыднёвая каталіцкая газэта «[[Свет Евангелия]]», Літургічная камісія, якая рыхтуе пераклады літургічных тэкстаў на [[расейская мова|расейскую мову]], Катэхетычная камісія і камісія па справах сям’і. У 1999 абраны сапраўдным сябрам (акадэмікам) Міжнароднае акадэміі навук Эўразіі.

== Арцыпастырская служба ў Беларусі ==
21 верасьня 2007 папа [[Бэнэдыкт XVI]] вызваліў арцыбіскупа Тадэвуша ад кіраўніцтва архідыяцэзіяй Божае Маці і прызначыў яго [[Менска-Магілёўская архідыяцэзія|арцыбіскупам-мітрапалітам Менска-Магілёўскім]]. Арцыбіскуп Тадэвуш Кандрусевіч уваходзіць у адмысловую раду па Эўропе пры Генэральным сакратарыяце Сыноду Біскупаў, у Кангрэгацыю па справах духавенства, а таксама ў Папскую Раду «Справядлівасьць і мір». Зьяўляецца віцэ-прэзыдэнтам Эўразійскага аддзяленьня Міжнароднай асацыяцыі рэлігійнай свабоды (МАРС). 25 кастрычніка 2009 у менскай архікатэдры быў урачыста прыняты ў [[Мальтыйскі ордэн]].

Валодае беларускай, расейскай, польскай, летувіскай, ангельскай і італьянскай мовамі.

3 студзеня 2021 году, у дзень свайго сямідзесяціпяцігодзьдзя, сышоў у адстаўку з пасады арцыбіскупа Менска-Магілёўскага.

== Крыніцы ==
{{Крыніцы}}

{{Пачатак блёку}}
{{Адзінка блёку
|папярэднік = —
|назва      = [[Канфэрэнцыя каталіцкіх біскупаў Расеі|Старшыня Канфэрэнцыі каталіцкіх біскупаў Расеі]]
|гады       = 1999—2005
|наступнік  = [[Ёзэф Вэрт]]
}}
{{Адзінка блёку
|папярэднік = [[Казімер Сьвёнтак]]
|назва      = [[Менска-Магілёўская архідыяцэзія|Арцыбіскуп Менска-Магілёўскі]]
|гады       = 2007—2021
|наступнік  = [[Казімер Велікаселец]] — апостальскі адміністратар
}}
{{Канец блёку}}

== Вонкавыя спасылкі ==
* [http://www.catholic-hierarchy.org/bishop/bkond.html Інфармацыя на сайце «Catholic Hierarchy»]
* [https://catholic.by/3/kasciol/conference/3946-artsybiskup-tadevush-kandrusevich Інфармацыя на сайце catholic.by]

{{Рыма-каталіцкі касьцёл на Беларусі}}
{{Біскупы пінскія}}
{{Біскупы менска-магілёўскія}}
{{Палітычны крызіс у Беларусі}}

{{САРТЫРОЎКА_ПА_ЗМОЎЧВАНЬНІ:Кандрусевіч, Тадэвуш}}
[[Катэгорыя:Нарадзіліся ў Гарадзенскім раёне]]
[[Катэгорыя:Беларускія каталіцкія сьвятары]]
[[Катэгорыя:Менска-Магілёўскія арцыбіскупы]]
[[Катэгорыя:Менскія біскупы]]
[[Катэгорыя:Расейскія каталіцкія біскупы]]
[[Катэгорыя:Дактары honoris causa Люблінскага каталіцкага ўнівэрсытэту імя Яна Паўла II]]
[[Катэгорыя:Шпітальеры]]
[[Катэгорыя:Беларусы ў Расеі]]