Прагляд крыніцы для Сьвяты Патрык

{{Сьвяты
| тып (колер)         = каталіцкі, праваслаўны, пратэстанцкі
| выява               = Saint Patrick (window).jpg
| памер выявы         = 
| імя сьвятога        = Сьвяты Патрык
| арыгінальнае імя    = Патрык
| сьвецкае імя        = 
| манаскае імя        = 
| нарадзіўся          = 371, ці 373, ці 385, ці 387, ці 389, ці 415
| памёр               = 457, ці 460, ці 461, ці 469, ці 492, ці 493
| шануецца            = 
| услаўлены           = 
| бэатыфікаваны       = 
| кананізаваны        = 
| у ліку              = 
| галоўная сьвятыня   = 
| дзень памяці        = 17 сакавіка
| патрон              = 
| атрыбуты            = 
| дэкананізаваны      = 
| працы               = "Споведзь" (''Confessio'')<br>"Пасланьне да воінаў караля Каротыка" (''Epistola ad Coroticum'')
| падзьвіжніцтва      = 
}}
'''Сьвяты Патрык''' ({{мова-en|Saint Patrick}}; {{мова-la|Sanctus Patricius}}; {{мова-ga|Naomh Pádraig}}) — хрысьціянскі сьвяты, заступнік [[Ірляндыя|Ірляндыі]] і [[Нігерыя|Нігерыі]]. Шанаваньне распаўсюджана ў каталіцызьме, у асобных пратэстанцкіх цэрквах (напрыклад, у англіканскай, прэсьвітэрыянскай, лютэранскай) і ў праваслаўі. Дзень памяці — 17 сакавіка.

Адзінай крыніцай параўнальна надзейных біяграфічных зьвестак пра Патрыка зьяўляюцца яго ўласныя творы — «Споведзь» (''Confessio'') і «Пасланьне да воінаў караля Каротыка» (''Epistola ad Coroticum''). Як аўтар «Споведзі», напісанай на лацінскай мове, Сьвяты Патрык лічыцца родапачынальнікам ірляндзкай літаратуры.

== Жыцьцяпіс ==

=== Рабства ===
Сьвяты Патрык нарадзіўся каля 385—390 гг. у рымскай Брытаніі ў сям’і вайскоўца, які пазьней стаў дыяканам. Ва ўзросьце 16 гадоў Патрык трапіў у палон да піратаў, якія вывезьлі яго ў Ірляндыю і там прадалі ў рабства. Падчас гэтага прымусовага прабываньня на Зялёным Востраве ён захапіўся аскетычным жыцьцём і вырашыў прысьвяціць свой лёс Богу. Уцёкшы праз шэсьць гадоў на кантынэнт, ён накіравацца ў Галію, дзе ён трапіў на вучобу да біскупу Германа (або Жэрмэна) Асэрскага. У хуткім часе ён вярнуўся ў родныя мясьціны і вырашыў стаць сьвятаром. Прыняць гэтае рашэньне дапамог прарочы сон, які заклікаў яго навярнуць у хрысьціянскую веру Ірляндыю.

=== Сьвятарства ===
Каля 432 г. быў пасьвечаны ў біскупы і вярнуўся ў Ірляндыю. Каб растлумачыць таямніцу Сьвятой Тройцы, ён карыстаўся трохлістаю канюшынаю, лісткі якой растуць з аднаго сьцябла. З таго часу канюшына стала сымбалям сьв. Патрыка і Ірляндыі. Сьвятому ўдалося навярнуць у хрысьціянскую веру караля паганцаў і яго атачэньне. Некаторыя з навернутых ахвяравалі яму свае землі і будынкі пад касьцёлы. Згадваюцца шматлікія цуды — хворыя былі аздароўленыя, памерлыя ўваскрасалі, кульгавыя хадзілі, сьляпыя бачылі, а цудоўныя струмені вады да сёньняшняга дня напаўняюць студні.

Ён навярнуў у веру большасьць мясцовых валадароў, пры падтрымцы якіх працягваў сваю місыйную дзейнасьць па ўсёй Ірляндыі. Ён засноўваў кляштары, касьцёлы і школы, а каля 440 г. сярод аднаго з паганскіх плямёнаў арганізаваў першае біскупства. Дзейнасьць сьвятога выклікала моцны супраціў з боку пагнагцаў-друідаў, а таксама з боку некаторых рыцараў, якія займаліся разбоем на Зялёным Востраве.

Адна з легендаў, зьвязаных з асобаю сьвятога Патрыка, апавядае пра 40 дзён, якія ён правёў у малітве на Cruach Phádraig (гара Патрыка). У гэты час сышла на яго звышнатуральная сіла, дзякуючы якой ён ачысьціў востраў ад вужоў. Таму на абразах яго часта паказваюць манахам, які топча нагамі вужа, што зьяўляецца рэлігійным сымбалем ачышчэньня Ірляндыі з-пад улады сатаны. А на Cruach Phádraig кожны год ідуць шматлікія пілігрымкі.

=== Сьмерць ===
Дата сьмерці сьвятога дакладна невядомая, як невядома і месца яго пахаваньня. Лічыцца, што ён пахаваны ў Даўнпатрыку (па іншых крыніцах — у Соўле). У некаторых старажытных жыцьцяпісах гаворыцца, што на працягу некалькіх дзён на цела памерлага з неба сьвяціла яркае сьвятло. На месцы пахаваньня сьвятога пабудавалі катэдру ў яго гонар.

Шмат сьвятыняў па ўсім сьвеце ўзьведзена ў яго гонар, але найбольш вядомая катэдра сьвятога Патрыка ў Дубліне. Цікава, што ў ХVIII ст. пробашчам катэдры быў вядомы пісьменьнік і філёзаф [[Джанатан Сўіфт]]. Сьвяты Патрык пакінуў цудоўныя словы свайго веравызнаньня, якія сталі крылатымі: «Хрыстус са мною, Хрыстус перада мною, Хрыстус за мною, Хрыстус ува мне!».

== Дзень сьвятога Патрыка ==
[[Дзень сьвятога Патрыка]] стаў афіцыйна [[Каляндар сьвятых|адзначацца царквой]] на пачатку XVII стагодзьдзя. Яго сьвяткуюць у [[Каталіцкая царква|каталіцкай]], [[Англіканства|англіканскай]], [[Праваслаўе|праваслаўнай]] і [[Лютэранства|лютэранскай]] цэрквах. Акрамя згадкі пра самога Патрыка, у гэты дзень таксама адзначаецца прыход [[Хрысьціянства ў Ірляндыі|хрысьціянства ў Ірляндыю]]<ref name="Arrival of Christianity in Ireland">{{Кніга|назва=Tourism, Consumption & Representation|выдавец=CAB International|аўтар=Kevin Meethan, Alison Anderson, Steven Miles.|мова=en}}</ref>, а таксама [[Ірляндзкая культура|культура]] [[Ірляндцы|ірляндцаў]] у цэлым<ref name="Irish Culture">{{Кніга|назва=Circles of Tradition: Folk Arts in Minnesota|выдавец=Minnesota Historical Society Press|спасылка=http://books.google.com/books?id=OstE2fueRvcC&pg=PA52&dq=patricks+day+celebration+of+irish+culture+religious&hl=en&ei=rsCBTZ7pDLKN0QHX2NngCA&sa=X&oi=book_result&ct=result&resnum=3&ved=0CFAQ6AEwAg#v=onepage&q=patricks%20day%20celebration%20of%20irish%20culture%20religious&f=false|цытата=In nineteenth-century America it became a celebration of Irishness more than a religious occasion, though attending Mass continues as an essential part of the day.|мова=en}}</ref>.

Афіцыйным сымбалем сьвята ёсьць [[трылісьнік]] — лісьце [[Канюшына|канюшыны]]. Звычайна ў дзень сьвятога Патрыка праводзяцца парады, фэсты, [[кейлі]], іхнія ўдзельнікі апранаюць зялёную вопратку альбо носяць трылісьнікі<ref name="Irish Culture" /> й ірляндзкія сьцягі.

У [[Ірляндыя|Ірляндыі]], [[Паўночная Ірляндыя|Паўночнай Ірляндыі]], [[Ньюфаўндлэнд і Лябрадор|Ньюфаўндлэндзе і Лябрадоры]], а таксама ў [[Мансэрат|Мансэраце]] гэты дзень зьяўляецца афіцыйным сьвятам.

== Крыніцы ==
{{Крыніцы}}

== Вонкавыя спасылкі ==
* [https://catholic.by/3/liturgy/saints/4439-svyaty-patryk-biskup Сьвяты Патрык] на catholic.by
* [https://ave-maria.by/i/104-252/951-svyaty-patryk Сьвяты Патрык]? [[Ave Maria (часопіс)|Ave Maria]] № 3 (252) 2016
* {{cite web|url=http://www.patrickpollock.com/SaintPatrick.html|title=Sancte Patrici, ora pro nobis!|lang=en|accessdate=2010-09-06|archiveurl=https://www.webcitation.org/5w6SRFARz?url=http://www.patrickpollock.com/SaintPatrick.html|archivedate=2011-01-29|deadlink=yes}}

{{САРТЫРОЎКА_ПА_ЗМОЎЧВАНЬНІ:Патрык, сьвяты}}
[[Катэгорыя:Памерлі 17 сакавіка]]
[[Катэгорыя:Сьвятыя Адзінай Царквы]]
[[Катэгорыя:Ірляндзкія сьвятыя]]
[[Катэгорыя:Хрысьціянскія місіянэры]]
[[Катэгорыя:Каталіцкія сьвятыя]]
[[Катэгорыя:Хрысьціянскія сьвятыя V стагодзьдзя]]
[[Катэгорыя:Сьвяты Патрык| ]]