Усяслаў Васількавіч

Усяслаў Васількавіч, Усяслаў III (каля 1100 — пасьля 1180) - князь полацкі (1162 - 1167, 1167 - пасьля 1180). Сын Васількі Сьвятаслававіча.

Заняў полацкую пасаду ў 1162 годзе пасьля паразы Рагвалода-Васіля ад Валадара Глебавіча. Страты палачан у бітве былі цяжкімі, таму Рагвалод-Васіль не вярнуўся у Полацк, а пайшоў княжыць у Друцак. Палачане ж запрасілі да сябе князем Усяслава Васількавіча з Віцебска. Усяслаў уладарыў пры падтрымцы смаленскіх князёў і не ладзіў з менскімі князямі.

У 1167 менскі Валадар з войскам у якім была шмат літоўцаў выступіў супраць Усяслава Васількавіча, перамог яго ў бітве і заняў полацкую пасаду, заключыўшы з полацкім вечам умову і замацаваўшы яе цалаваньнем крыжа. Затым накіраваўся на Віцебск, куды ўцёк Усяслаў, але даведаўшыся, што на дапамогу віцяблянам ідзе смаленскі князь Раман, вярнуўся ў свае землі. Васілька зноў заняў полацкую пасаду.

Апошні раз згадваецца ў 1180 годзе калі разам з іншымі князямі выступіў супраць смаленскіх князёў, сваіх былых хаўрусьнікаў. Вадаць неўзабаве пасьля гэтага памёр.