Прагляд крыніцы для Рафал Корсак

{{Цёзкі}}
{{Шляхціч
|Імя                 = Рафал Корсак
|Лацінка             = Rafał Korsak
|Поўнае імя          =
|Партрэт             = Rafał Korsak. Рафал Корсак (XVIII).jpg
|Шырыня партрэту     =
|Подпіс партрэту     = Рафаіл Корсак
|Герб                = 
|Шырыня гербу        =
|Подпіс гербу        = [[Катвіца]]
|Пасады              =
 {{Шляхціч/Пасада
 |Пасада                     = [[Кіеўскія ўніяцкія мітрапаліты|мітрапаліт Кіеўскі, Галіцкі і ўсяе Русі]]
 |Сьцяг                      = 
 |Герб                       = 
 |Пасьлядоўнасьць пасады     = 4
 |Рымскі лік пасьлядоўнасьці = IV
 |Пачатак пэрыяду            = 1637
 |Заканчэньне пэрыяду        = 1640
 |Папярэднік                 = [[Язэп Руцкі]]
 |Наступнік                  = [[Антон Сялява]]
 }}
|Пачатак пэрыяду     =
|Заканчэньне пэрыяду =
|Папярэднік          =
|Наступнік           =
|Імя пры нараджэньні = Мікалай Корсак
|Нарадзіўся          = каля 1601
|Месца нараджэньня   = каля [[Наваградак|Наваградку]]
|Памёр               = 28 жніўня 1640
|Месца сьмерці       = [[Рым]]
|Род                 = [[Корсакі]]
|Бацька              =
|Маці                =
|Жонка               =
|Дзеці               =
|Рэлігія             =
|Рэгаліі             =
|Колер               =
|Колер загалоўку     =
}}
'''Рафа́л Корсак'''{{Заўвага|Таксама '''Рафаі́л Ко́рсак'''}} (сьвецкае імя '''Мікала́й'''; каля 1601 — 28 жніўня 1640, [[Рым]]) — царкоўны дзяяч [[Вялікае Княства Літоўскае|Вялікага Княства Літоўскага]], [[Рэч Паспалітая|Рэчы Паспалітай]], царкоўны гісторык і тэоляг. [[Протаархімандрыты Ордэна базылянаў сьвятога Язафата|Протаархімандрыт]] [[Ордэн базылянаў сьвятога Язафата|Ордэна базылянаў сьвятога Язафата]] (з 1626), [[Пінскія і тураўскія ўніяцкія біскупы|уніяцкі біскуп Пінскі і Тураўскі]] (1632—1637), [[Кіеўскія ўніяцкія мітрапаліты|мітрапаліт Кіеўскі, Галіцкі і ўсяе Русі]] (з 1637).

== Біяграфія ==
Зь [[беларусы|беларускага]]<ref>[[Сяргей Казуля|Казуля С.]] Корсак Рафаіл // {{Літаратура/ЭВКЛ|2к}} С. 649.</ref> шляхецкага роду [[Корсакі|Корсакаў]] гербу ўласнага («[[Катвіца (герб)|Катвіца]] зьмененая»). Нарадзіўся каля [[Наваградак|Наваградку]], ягоныя бацькі спавядалі [[кальвінізм]] (паводле біяграфічнай даведкі 1628 году, ''[[Ліцьвіны|Lithuanus]], natus in Districtu Novogroden''<ref>Epistolae metropolitarum kioviensium catholicorum: Raphaelis Korsak, Antonii Sielava, Gabrielis Kolenda. — Romae, 1956. P. 13.</ref>). У падлеткавым веку страціў бацькоў і знаходзіўся пад апекаю [[Язэп Руцкі|Язэпа Руцкага]], маці якога паходзіла з роду Корсакаў.

Спачатку Язэп Руцкі аддаў яго для навучаньня ў калегіюм езуітаў у Замасьці, затым — у [[Нясьвіскі езуіцкі калегіюм]], дзе Мікалай Корсак перайшоў у [[каталіцтва]] [[лацінскі абрад|лацінскага абраду]]. Пазьней пад уплывам Кіеўскага мітрапаліта [[Язэп Руцкі|Язэпа Руцкага]] прыняў грэцкі абрад. Вучыўся ў Віленскай акадэміі.

У 1618 годзе праходзіў філязофскія студыі ў папскім калегіюме ў [[Бранева|Браўнсбэргу]] (Усходняя Прусія). У 1619—1621 гадох працягваў навучаньне ў калегіюме езуітаў у [[Прага|Празе]]. Да 1620 году ўступіў у [[Ордэн базылянаў]], прыняўшы манаскае імя Рафаіл, і быў высьвячаны на дыякана ў 1620 годзе. У 1621—1624 гадох працягваў багаслоўскія студыі ў [[Грэцкі калегіюм сьвятога Атанасія|Грэцкім калегіюме сьвятога Атанасія]] ў Рыме. Пасьля завяршэньня багаслоўскіх студыяў у Грыгарыянскім калегіюме ў 1624 годзе быў высьвячаны ў Рыме на сьвятара. Тады ж зьвярнуўся да Апостальскай Сталіцы з мэмарандумамі — у справе царкоўнай уніі на праваслаўным Усходзе, а таксама далучэньня ордэну кармялітаў да ўнійнай дзейнасьці.

У 1625—1637 гадох архімандрыт [[Віленскі Траецкі манастыр|Віленскага Траецкага]], у 1631 годзе Анупрэйскага ([[Амсьціслаўскае ваяводзтва]]), у 1632—1633 гадох [[Кобрынь]]скага Спаскага, у 1637—1640 гадох [[Жыдычын]]скага манастыроў. У 1626 годзе прызначаны протаархімандрытам базылянскага ордэна і біскуапам-каад’ютарам мітрапаліта Язэпа Руцкага. 8 ліпеня 1626 году атрымаў каралеўскую намінацыю на годнасьць біскупа, а ў 1631 годзе — папскую булу з пацьверджаньнем права на ўспадкаваньне кіраўніцтва мітраполіяй<ref>[http://www.history.org.ua/?termin=Korsak_R КОРСАК Рафаїл]</ref>. У 1626—1632 біскуп Галіцкі, у 1632—1637 — біскуп Тураўскі і Пінскі.

У 1633 годзе на даручэньне кіеўскага мітрапаліта Язэпа Руцкага адправіўся ў Рым да Папы Рымскага [[Урбан VIII|Урбана VIII]], каб адстойваць інтарэсы ўніі ва ўмовах абвастрэньня змаганьня з прыхільнікамі [[Канстантынопальская праваслаўная царква|Канстантынопальскага патрыярхату]] і непрыхільнага стаўленьня да Ўніяцкай царквы з боку сьвецкіх уладаў і рымска-каталіцкай герархіі Рэчы Паспалітай, а таксама з мэтай паскорыць працэс праслаўленьня полацкага архібіскупа [[Язафат Кунцэвіч|Язафата (Кунцэвіча)]]. Пасьпяхова выканаўшы гэтую місію, увесну 1636 году прыбыў у Варшаву зь лістамі з Апостальскай Сталіцы да караля і польскіх герархаў з рэкамэндацыямі перагледзець «Пункты заспакаеньня Русі», што былі выдадзеныя каралём і вялікім князем [[Уладзіслаў Ваза|Уладзіславам Вазам]] і легалізоўвалі царкву Канстантынопальскага патрыярхату ў Рэчы Паспалітай, і спрыяць дзейнасьці зьяднанай царквы.

У 1637 годзе атрымаў прызначэньне мітрапалітам кіеўскім і ўсяе Русі. Падтрымліваў курс караля і вялікага князя на прымірэньне ўніятаў з праваслаўнымі. У 1639—1640 гадох у трэці раз паехаў у Рым, дзе працягваў клапаціцца пра бэатыфікацыю [[Язафат Кунцэвіч|Язафата Кунцэвіча]] і прасіў у Папы Рымскага Урбана VIII дазволу склікаць супольны сабор прыхільнаў і супраціўнікаў Уніі з мэтай стварэньня адзінага Рускага патрыярхату ў Рэчы Паспалітай. У гэты час напісаў біяграфію Язэпа Вельяміна Руцкага, пераклаў творы Мялеція Сматрыцкага, заснаваў у Рыме сядзібу базылянаў зь Беларусі і Ўкраіны пры [[Царква сьвятых Сяргея й Бакха (Рым)|царкве Сьвятых Сяргея й Бакха]].

Памёр 28 жніўня 1640 году ў Рыме, спачыў у царкве Сьвятых Сяргея й Бакха.

{{Пачатак блёку}}
{{Адзінка блёку
|папярэднік = [[Язэп Руцкі]]
|назва      = [[Протаархімандрыты Ордэна базылянаў сьвятога Язафата|Протаархімандрыт Ордэна базылянаў сьвятога Язафата]]
|гады       = 1626—1640
|наступнік  = [[Пахом Война-Аранскі]]
}}
{{Адзінка блёку
|папярэднік = [[Рыгор Ліс-Міхайловіч]]
|назва      = [[Пінскія і тураўскія ўніяцкія біскупы|Біскуп  Пінскі і Тураўскі]]
|гады       = 1632—1637
|наступнік  = [[Пахом Война-Аранскі]]
}}
{{Адзінка блёку
|папярэднік = [[Язэп Руцкі]]
|назва      = [[Кіеўскія ўніяцкія мітрапаліты|Мітрапаліт Кіеўскі, Галіцкі і ўсяе Русі]]
|гады       = 1637—1640
|наступнік  = [[Антон Сялява]]
}}
{{Канец блёку}}

== Заўвагі ==
{{Заўвагі}}

== Крыніцы ==
{{Крыніцы|2}}

== Літаратура ==
* {{Літаратура/ЭВКЛ|2}}
* {{Літаратура/ЭГБ|4}}
* Енциклопедія історії України: Т. 5: Кон — Кю / Редкол.: В. А. Смолій (голова) та ін. НАН України. Інститут історії України. — К.: В-во «Наукова думка», 2008. — 568 с.

{{САРТЫРОЎКА_ПА_ЗМОЎЧВАНЬНІ:Корсак, Рафал}}
[[Катэгорыя:Корсакі|Рафал]]
[[Катэгорыя:Беларускія ўніяцкія дзеячы]]
[[Катэгорыя:Базыляны]]
[[Катэгорыя:Кіеўскія ўніяцкія мітрапаліты]]
[[Катэгорыя:Протаархімандрыты Ордэна базылянаў сьвятога Язафата]]
[[Катэгорыя:Галіцкія ўніяцкія біскупы]]
[[Катэгорыя:Пінскія і тураўскія ўніяцкія біскупы]]
[[Катэгорыя:Перайшлі з кальвінізму ў каталіцтва]]
[[Катэгорыя:Памерлі 28 жніўня]]
[[Катэгорыя:Памерлі ў 1640 годзе]]
[[Катэгорыя:Памерлі ў Рыме]]