Мітэ (акруга Бэрліну)

Акруга Мітэ на мапе Бэрліну (вылучана цёмна-шэрым колерам)

Мі́тэ (па-нямецку: Mitte, даслоўна Цэнтар) — адна з дванаццаці адміністрацыйных акругаў Бэрліну, разьмешчаная ў самым цэнтры гораду. Плошча 39,47 km². Насельніцтва 363 236 чалавек (па стане на 31 сьнежня 2015). Была ўтворана 1 студзеня 2001 шляхам аб’яднаньня былых акругаў Мітэ, Тыргартэн і Вэдынг. Падзяляецца на наступныя раёны: Мітэ, Маабіт, Ганзафіртэль, Тыргартэн, Вэдынг і Гезундбрунэн.

У акрузе Мітэ знаходзяцца большасьць канстытуцыйных органаў Фэдэратыўнае Рэспублікі Нямеччыны.

Вонкавыя спасылкі

• Афіцыйны сайт акругі Мітэ (ням.)