Прагляд крыніцы для Кірыла (Патрыярх Маскоўскі)

{{Герарх}}
'''Патрыя́рх Кіры́ла''' ('''Кірыл'''; сапраўднае імя — '''Уладзі́мер Міха́йлавіч Гундзя́еў'''; нарадзіўся 20 лістапада 1946 году, [[Ленінград]]) — япіскап [[Расейская праваслаўная царква|Расейскай праваслаўнай царквы]], 16-ы [[Патрыярх Маскоўскі і ўсяе Расеі|патрыярх маскоўскі і ўсяе Расеі]] (з 1 лютага 2009 году). [[Мітрапаліт]] [[смаленск]]і і [[калінінград]]зкі (на Смаленскай катэдры з 26 сьнежня 1984 году), старшыня сынадальнага Аддзелу замежных царкоўных дачыненьняў (14 лістапада 1989 — 1 лютага 2009 году) і сталы сябар Сьвятога Сыноду РПЦ.

== Біяграфія ==
Нарадзіўся 20 лістапада 1946 году ў [[Ленінград]]зе ў сям’і сьвятара. Скончыў Ленінградзкую духоўную сэмінарыю, потым — Ленінградзкую духоўную акадэмію (1970). У 1969 годзе пастрыгся ў манахі.

У 1971—1988 гадох служыў на пасадах прадстаўніка маскоўскага патрыярха пры Ўсясьветнай радзе цэркваў, намесьнікам патрыяршага экзарха Заходняй Эўропы, намесьнікам кіраўніка аддзелу замежных царкоўных дачыненьняў, кіраваў патрыяршымі прыходамі ў [[Фінляндыя|Фінляндыі]].

[[Япіскап]] Расейскай праваслаўнай царквы, мітрапаліт смаленскі і калініградзкі (на Смаленскай катэдры ад 1984 году); ад 1989 году — старшыня сынадальнага аддзелу замежных царкоўных дачыненьняў і сталы сябар Сьвятога Сыноду.

6 сьнежня 2008 году, па сьмерці патрыярха [[Аляксій II|Аляксія II]], стаў месцатрымальнікам патрыяршага пасаду. Неўзабаве на Архірэйскім саборы абралі трох кандыдатаў на патрыяршы пасад (амаль 200 архірэяў бралі ўдзел у галасаваньні: 97 прагаласавалі за мітрапаліта Кірыла, 32 — за мітрапаліта калускага і бораўскага [[Клімэнт (мітрапаліт)|Клімэнта]], і 16 — за кіраўніка [[Беларуская Праваслаўная Царква|Беларускай праваслаўнай царквы]] мітрапаліта [[менск]]ага і [[слуцк]]ага [[Філарэт (Вахрамееў)|Філарэта (Вахрамеева)]]). У дзень галасаваньня на Памесным саборы мітрапаліт Філярэт узяў самаадвод і заклікаў сваіх прыхільнікаў галасаваць за кандыдатуру мітрапаліта Кірыла. 27 студзеня 2009 году на Памесным саборы Расейскай праваслаўнай царквы ў храме Хрыста Збаўцы ў Маскве абраны 16-м патрыярхам Маскоўскім і ўсяе Русі. Больш за 700 дэлегатаў бралі ўдзел у таемным галасаваньні: за мітрапаліта Кірыла аддалі свае галасы 508 дэлегатаў, за Клімэнта — 169. Інтэрнізацыя адбылася 1 лютага 2009 году.

8 сьнежня 2009 году атрымаў ад А. Лукашэнкі беларускі ордэн Дружбы народаў<ref>[http://www.pravo.by/webnpa/text.asp?RN=P30900604 Указ прэзідэнта Рэспублікі Беларусь 8 снежня 2009 г. № 604 Аб узнагароджанні дзяржаўнымі ўзнагародамі Рэспублікі Беларусь]{{Недаступная спасылка|date=March 2022 |bot=InternetArchiveBot |fix-attempted=yes }}</ref>.

== Погляды ==
Адстойвае геапалітычны канцэпт [[Расейскі сьвет|«расейскі сьвет»]] ({{мова-ru|«русский мир»}}<ref>Тишков В. А. [http://www.antirasizm.ru/doc/publ_085.doc Русский мир: смысл и стратегии]{{Недаступная спасылка|date=May 2021 |bot=InternetArchiveBot |fix-attempted=yes }}, 2007{{ref-ru}}</ref>), які вызначаецца як агульная «цывілізацыйная прастора», збудаваная на трох слупах:
: 1) праваслаўе
: 2) расейская мова і культура як фактары, якія маюць аб’ядноўваць народы «расейскага сьвету»
: 3) «агульная гістарычная памяць і агульныя погляды на грамадзкае разьвіцьцё»<ref>Друзенко Г. [https://web.archive.org/web/20091218014641/http://www.dt.ua/1000/1550/67745/ Геополітика від Патріарха: Царство Небесне vs Руський світ] // Дзеркало тижня. №&nbsp;44 (772), 14&nbsp;— 20 листопада 2009.</ref>

== Крытыка ==

=== Супраца з спэцслужбамі, гандаль тытунем і побытавая раскоша ===
У сакавіку 2018 годзе ў час свайго візыту ў Баўгарыю Кірыл (Гундзяеў) выказаў у прысутнасьці прэзыдэнта краіны прэтэнзіі да баўгараў. Ён некалькі хвілін гаварыў пра сваё расчараваньне тым, як у Баўгарыі інтэрпрэтуецца вызваленне ад туркаў. Паводле кіраўніка Маскоўскага патрыярхату, пералічэньня ў сьпісе нацыяў, якім падзякавалі за вызваленьне, нароўні з расейцамі народаў былой Расейскай імпэрыі — беларусаў, палякаў, фінаў, летувісаў — зьяўляецца прымяншэньнем ролі Расеі ў гэтых падзеях. Гэта выклікала рэакцыю баўгарскіх уладаў. Віцэ-прэм’ер Валеры Сімяонаў упершыню на высокім узроўні агучыў інфармацыю пра тое, што Кірыла (Гундзяева) называюць тытунёвым мітрапалітам Расеі, бо з 1996 году ён завёз на 14 мільярдаў даляраў безакцызных цыгарэт. Таксама віцэ-прэм’ер зазначыў раней паказаную ў мас-мэдыя раскошу, якая атачае кіраўніка Маскоўскага патрыярхату (асабісты самалёт, гадзіньнік за 30 тысячаў даляраў). Апроч таго, ён зьвярнуў увагу на тое, што Кірыл (Гундзяеў) — даведзены агент [[КДБ СССР]] з пазыўным «Міхайлаў»<ref>Гезгала С. [https://nn.by/?c=ar&i=205963 Віцэ-прэм’ер Балгарыі: І патрыярх Кірыл, гэты агент КГБ «Міхайлаў», мае нахабства вучыць нас «ісціне»?] // [[Наша Ніва]], 9 сакавіка 2018 г.</ref>.

== Крыніцы ==
{{Крыніцы}}

== Вонкавыя спасылкі ==
{{Commons}}

{{Патрыярхі Маскоўскія}}

[[Катэгорыя:Нарадзіліся 20 лістапада]]
[[Катэгорыя:Нарадзіліся ў 1946 годзе]]
[[Катэгорыя:Нарадзіліся ў Санкт-Пецярбургу]]
[[Катэгорыя:Расейскія праваслаўныя дзеячы]]
[[Катэгорыя:Біскупы Расейскай праваслаўнай царквы]]
[[Катэгорыя:Патрыярхі Маскоўскія]]