Кельвін Кіптум

Кельвін Кіптум
Пэрсанальная інфармацыя
Поўнае імя	па-ангельску: Kelvin Kiptum
Нарадзіўся	2 сьнежня 1999(1999-12-02) Чэпкорыё[d]
Памёр	11 лютага 2024(2024-02-11) (24 гады) Каптагат[d], Рыфт-Валей, Кенія
Грамадзянства	Кенія
Прафэсійная інфармацыя
Спэцыялізацыя	лёгкаатлет, бягун на доўгія дыстанцыі, маратонец

Кельвін Кіптум (па-ангельску: Kelvin Kiptum; 2 сьнежня 1999 — 11 лютага 2024) — кенійскі лёгкаатлет, сусьветны рэкардсмэн у маратонскім бегу.

Спэцыялізаваўся ў бегу на доўгія дыстанцыі. У 2022 годзе дэбютаваў у маратоне.

8 кастрычніка 2023 году на 45-м Чыкаскім маратоне ўсталяваў сусьветны рэкорд (2:00.35).

Спартовая кар’ера

Свой першы міжнародны вопыт Кіптум атрымаў у сакавіку 2019 году, калі стаў пятым на Лісабонскім паўмаратоне з вынікам 59:54 хвіліны. У сьнежні 2020 году ён усталяваў новы асабісты рэкорд — 58:42 хвіліны, заняўшы шостае месца на паўмаратоне ў Валенсіі.

4 сьнежня 2022 году 23-гадовы хлопец усех зьдзівіў, выйграўшы свой дэбютны маратон на маратоне ў Валенсіі. З хуткай другой паловай 60:15 хвілін, Кіптум дасягнуў чацьвёртага самага хуткага часу маратону ў гісторыі з 2:01:53 гадзіны. Пасьля сусьветнага рэкардсмэна Эліуда Кіпчоґе (2:01:09 г і 2:01:39 г) і Кенісы Бекеле (2:01:41 г) Кіптум стаў трэцім бегуном, які пераадолеў 2:02:00 г. Час перамогі Кіптума стаў самым хуткім маратонскім дэбютам у гісторыі, пабіўшы рэкорд трасы Валенсіі больш чым на хвіліну.

23 красавіка 2023 году Кіптум сьвяткаваў другую перамогу ў сваім другім маратоне. Ён выйграў Лёнданскі маратон з новым рэкордам дыстанцыі 2:01:25 гадзін. Кіптум прайшоў другую палову маратону за 59:45 хвілін. Ён быў першым бегуном, які прабег другую палову маратону менш чым за гадзіну. Гэта таксама быў самы хуткі паўмаратонскі спліт у маратоне.

8 кастрычніка 2023 году ў Чыкага Кіптум устанавіў новы сусьветны рэкорд у маратоне з вынікам 2:00:35.

У кастрычніку 2023 году ён быў адным з адзінаццаці спартсмэнаў, намінаваных на званьне найлепшага спартсмэна сьвету 2023 году.