Капліца Сьвятога Дамініка (Слонім)

Помнік сакральнай архітэктуры
Капліца Сьвятога Дамініка
Капліца Сьвятога Дамініка
Краіна	Беларусь
Места	Слонім
Каардынаты	53°05′55.21″ пн. ш. 25°18′22.16″ у. д.
Архітэктурны стыль	Ракако
Дата заснаваньня	XVIII ст.
Статус	Ахоўная зона
Капліца Сьвятога Дамініка на мапе Беларусі Капліца Сьвятога Дамініка

Капліца Сьвятога Дамініка — помнік архітэктуры XVIII стагодзьдзя ў Слоніме. Знаходзіцца ў заходняй частцы места, на гістарычнай Панасоўскай вуліцы. Твор архітэктуры віленскага барока. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Капліцу збудавалі ў 1745 годзе як памежны знак пры ўезьдзе ў места з захаду.

У XVIII ст. падобную капліцу таксама збудавалі на Скробаўскай вуліцы.

Архітэктура

Помнік архітэктуры віленскага барока. Гэта цэнтрычная 3-ярусная пабудова. Два ніжнія ярусы маюць квадратнае сечыва з увагнутымі гранямі і зрэзанымі кутамі і выразна падкрэсьліваюцца зьлівамі з дахоўкі і прафіляванымі карнізамі. Першы ярус масіўны, маналітны, стаіць на нізкім цокалі, другі скразны, з 4 аркавымі прасьветамі (у ім месьцілася пазалочаная драўляная скульптура сьвятога Дамініка, не захавалася), трэці — фігурная ўвагнута-пукатая вежачка з шатровым пакрыцьцём.

Галерэя

• Гістарычныя здымкі і графіка
• 
  1915 г.
• 
  1925 г.
• 
  Капліца на Скробаўскай вуліцы, 1896 г.
• 
  Капліца на Скробаўскай вуліцы, 1916 г.

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  413Г000506

• Капліца Сьвятога Дамініка ў Слоніме, Radzima.org