Галія
Га́лія (па-лацінску: Gallia) — рымская назва гістарычнай часткі Эўропы, абмежаванай рэчышчам ракі Рубікон, Апэнінамі, рэчышчам ракі Макра (па-лацінску: Macra, сучасная назва Магра), узьбярэжжам Міжземнага мора, Пірэнэямі, Атлянтычным акіянам, рэчышчам Райну і Альпамі.
Да часу першых згадак Галіі ў рымскіх пісьмовых крыніцах, найбольшая частка яе тэрыторыі была заселеная рознымі кельцкімі плямёнамі, якіх рымляне абагульнена называлі «галамі» (па-лацінску: Galli), што і паслужыла асновай для выбару назвы адпаведных зямель.