Выслоўе
Высло́ўе — ляканічны, трапны і дасьціпны ўстойлівы народны выраз, часта гумарыстычнага характару, што ўжываецца ў розных выпадках на працы і ў час адпачынку. У адрозьненьне ад прыказак, яны не валодаюць завершанасьцю выказваньня і афарыстычнасьцю. Да выслоўяў адносяцца жарты і калямбуры, тосты, вясельныя прыгаворкі, прысяганьні, кленічы, дражнілкі, вітаньні, зычэньні (Хлеб на стале, рукі свае; Чарачка-каток, каціся ў раток; Зьеш акрайчык, каб быў сын Мікалайчык). Да выслоўяў адносяць таксама ўстойлівыя параўнаньні (Жыву як гарох пры дарозе: хто ідзе, той ушчыкне; Зямлі як бабе сесьці; Маладзіца як брусьніца).
Літаратура
[рэдагаваць | рэдагаваць крыніцу]- Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
- Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4