Прагляд крыніцы для Ёхэн Рынт

{{Пілёт Формулы-1
|імя                   = Ёхен Рынт
|арыгінал імя          = Jochen Rindt
|імя пры нараджэньні   = Karl Jochen Rindt
|выява                 = Rindt at 1970 Dutch Grand Prix (2C).jpg
|памер выявы           = 250пкс
|апісаньне выявы       = Рынт на [[Гран-пры Нідэрляндаў 1970 году]]
|гады                  = {{Сэзон Ф-1|1964}}–{{Сэзон Ф-1|1970}}
|каманды               = {{Просты сьпіс|
* [[Гоначная каманда Роба Ўолкера|Роб Ўолкер]]
* [[Купэр (Формула-1)|Купэр]]
* [[Брэбгэм]]
* [[Лотас (Формула-1)|Лотас]]
}}
|актуальная каманда    = 
|нумар аўто            = 
|рухавікі              = 
|гонкі                 = 62 (60 стартаў)
|чэмпіёнствы           = 1 ({{Сэзон Ф-1|1970}})
|перамогі              = 6
|п’едэсталы            = 13
|пункты                = 107 (109){{Заўвага|Да {{Сэзон Ф-1|1990}} ня ўсе балы, запрацаваныя гоначнікі, уключаліся ў агульны залік Чэмпіянату сьвету. Лікі бяз дужак — пункты ў заліку чэмпіянату; лікі ў дужках — агулам набраныя пункты.}}
|стартавыя лідэрствы   = 10
|найхутчэйшыя колы     = 3
|першая гонка          = [[Гран-пры Аўстрыі 1964 году]]
|апошняя гонка         = [[Гран-пры Італіі 1970 году]]
|першая перамога       = [[Гран-пры ЗША 1969 году]]
|апошняя перамога      = [[Гран-пры Нямеччыны 1970 году]]
|апошні сэзон          = 
|апошняя пазыцыя       = 
|узнагароды            = 
|аўтограф              = 
|сайт                  = 
}}
'''Карл Ёхен Рынт''' ({{Мова-de|Karl Jochen Rindt}}; 18 красавіка 1942, [[Майнц]], [[Нямеччына]] — 5 верасьня 1970, [[Монца (аўтатраса)|Монца]], [[Лямбардыя]], [[Італія]]) — аўстрыйскі гоначнік [[Формула-1|Формулы-1]] нямецкага паходжаньня. Дэбютаваў у каралеўскіх аўтагонках на {{Гран-пры Ф1|Аўстрыя|1964|вывад = скарочана}} {{Сэзон Ф-1|1964}} року. Езьдзіў за каманды [[Купэр (Формула-1)|Купэр]], [[Брэбгэм]] і [[Лотас (Формула-1)|Лотас]]. Загінуў у часе трэніроўкі да {{Гран-пры Ф1|Італія|1970}}, ды стаў адзіным гоначнікам Формулы-1, якія заваяваў [[Сьпіс чэмпіёнаў Формулы-1|чэмпіёнства]] пасьмяротна.

== Жыцьцяпіс ==
Нарадзіўся ў сям’і аўстрыйкі і немца. Бацькі загінулі ў часе [[Гамора (апэрацыя)|бамбаваньня Гамбургу хаўрусьнікамі]], і выхоўвалі Карла прабацькі ў аўстрыйскім [[Грац]]ы.

У 16-гадовым веку пачаў займацца матацыклетнымі гонкамі, а наведаўшы {{Гран-пры Ф1|Нямеччына|1961}} на [[Нюрнбургрынг]]у, захапіўся Формулай-1.

У 1963 трапіў у [[Формула Юніёр|юніёрскую Формулу]]. У 1964 перайшоў у каманду [[Brabham]] [[Формула-2|Формулы-2]]. 18 траўня заваяваў ''Лёнданскі трафей'' на [[Brabham BT10]], абышоўшы [[Грэм Гіл|Грэма Гіла]], чым упершыню зьвярнуў на сябе ўвагу сусьветнага матаспорту.

У той час шматлікія гоначнікі спалучалі ўдзел адначасна ў Формуле-2 і Формуле-1. З 1964 року Ёхен Рынт удзельнічаў у найвышэйшым клясе, працягваючы ўдзел у ніжэйшым да жніўня 1970 року. Асабліва ўдалым для яго быў сэзон Формулы-2 1967 року, дзё ён перамог у 9 гонках, аднак як гоначнік Формулы-1 ён удзельнічаў у тым чэмпіянаце па-за залікам, і тытул чэмпіёна дастаўся [[Жакі Ікс]]у. Ад прэсы ён атрымаў мянушку «караля Формулы-2».

Акрамя таго, з 1964 року Рынт барў удзел і ў [[Гонкі спартовых аўтамабіляў|гонках спартовых аўтамабіляў]]. Чатыры разы ўдзельнічаў у [[24 гадзіны Ле-Ману|24 гадзінах Ле-Ману]], дзе ў 1965 року здабыў перамогу з паплечнікам [[Мастэн Грэгары|Мастэнам Грэгары]] для «[[Паўночнаамэрыканская гоначная каманда|Паўночнаамэрыканскай гоначнай каманды]]».

Дэбют Ёхена Рынта ў Формуле-1 адбыўся на ягонай хатняй трасе [[Гран-пры Аўстрыі 1964 году|ў Аўстрыі]], якая стала для яго адзінай гонкай сэзону. На сэзон {{Сэзон Ф-1|1965}} року ён падпісаў кантракт з Cooper. Найлепшым вынікам стала 4-е месца на {{Гран-пры Ф1|Нямеччына|1965|вывад = скарочана}} і 13-е месца ў агульным заліку чэмпіянату.

У сэзоне 1966 року Рынт быў другім пілётам «Куперу» пасьля чэмпіёна сьвету-{{Сэзон Ф-1|1964}} [[Джон Сэртыс|Джона Сэртыса]], які перайшоў з [[Скудэрыя Фэрары|Фэрары]]. У другой гонцы сэзону, {{Гран-пры Ф1|Бэльгія|1966|вывад = скарочана}}, Рынт упершыню трапіў на подыюм, заняўшы 2-е месца пасьля паплечніка. Пасьля гэтага яшчэ двойчы ўздымаўся на п’едэсталы, заняўшы ў выніку 3-е месца асабістага заліку.

{{Сэзон Ф-1|1967}} атрымаўся не такім удалым: Рынт здолеў фінішаваць толькі ў дзьвюх гонках і заняў у чэмпіянаце 13-е месца.

Перад сэзонам-{{Сэзон Ф-1|1968}} Рынт перайшоў у каманду «Брэбгэм», якая два гады запар станавілася чэмпіёнкай. Аднак у новым сэзоне паўтарыць посьпех перашкодзілі тэхнічныя праблемы. Рынт ізноў фінішаваў толькі ў дзьвюх гонках і стаў у агульным заліку 12-м.

На {{Сэзон Ф-1|1969}} рок Рынт падпісаў кантракт з чэмпіёнамі мінулага сэзону — камандай «Лотас», у якой ганяў разам з чэмпіёнам Грэмам Гілам. Але ў новым сэзоне аўтамабілі каманды сталі надта ненадзейнымі: у 1967—1969 роках адбыўся 31 інцыдэнт, і сам Гіл у 1968—1970 роках дзевяць разоў трапляў у аварыі. Ужо ў першай гонцы ў [[Гран-пры Гішпаніі 1969 году|ў Гішпаніі]] абодва пілёты «Лотасу» разьбіліся на высокай хуткасьці ды яшчэ і ўрэзаліся адно ў аднаго. Рынт усяго толькі зламаў нос, але адзін з маршалкаў трасы страціў вока і зламаў нагу. Агулам у сэзоне Рынт сыходзіў з трасы сем разоў. Затое ў перадапошняй гонцы [[Гран-пры ЗША 1969 году|ў Нью-Ёрку]] здабыў першую перамогу; азмрочыла сьвяткаваньне аварыя Грэма Гіла, у якой той зламаў нагу.

На {{Сэзон Ф-1|1970}} рок Рынтавым партнэрам стаў [[Джон Майлз (гоначнік)|Джон Майлз]]. На другое Гран-пры сэзону [[Гран-пры Гішпаніі 1970 году|ў Гішпаніі]] «Лотас» падрыхтаваў рэвалюцыйна новы аўтамабіль [[Lotus 72]], які сапсаваўся ўжо на першай жа трэніроўцы, а ў гонцы Рынт сышоў пасьля дзевяці колаў. Каманда была вымушаная вярнуцца да старой мадэлі [[Lotus 49]], да якой не пасавалі новыя колы. Нягледзячы на гэта, у {{Гран-пры Ф1|Манака|1970|вывад = скарочана}} Ёхен прыйшоў першым, стартаваўшы з 8-й пазыцыі.

Празь дзьве гонкі каманда падрыхтавала новы Lotus 72, на якім Ёхен Рынт адразу ж заваяваў перамогу ў {{Гран-пры Ф1|Нідэрлянды|1970|вывад = скарочана}}. Тым ня меней, на 23-м коле гонкі загінуў блізкі сябар аўстрыйца [[Пірс Карыдж]], што нават прымусіла Рынта задумацца пра завяршэньне кар’еры. Праблемы з балідам стала трывалі, пры гэтым Ёхен здолеў перамагаць. Ужо ў дамашняй гонцы [[Гран-пры Аўстрыі 1970 году|ў Аўстрыі]] ён мог заўчасна стаць чэмпіёнам сьвету і стартаваў з поўлу, аднак выбыў з прычыны псаваньня рухавіка. А ў наступным {{Гран-пры Ф1|Італія|1970|вывад = скарочана}} падчас трэнавальных заездаў на вялікай хуткасьці разьбіўся аб адбівач. Пазьней рассьледаваньне высьветліла, што прычынай вылету стала адмова пярэдняга правага тармазнога валу, аднак загінуў Рынт праз дрэнна ўсталяваныя бар’еры бясьпекі. Лотас вывеў з гонкі ўсе свае машыны, хоць гонка працягнулася. Да гэтай пары Ёхен Рынт перамог у пяці зь дзесяці Гран-пры, і яго ніхто ня здолеў абысьці. Ён быў названы пасьмяротным чэмпіёнам, трафэй атрымала ягоная ўдава Ніна.

== Ушанаваньне памяці ==
Гоначныя посьпехі Ёхена спрыялі папулярызацыі аўтаспорту ў Аўстрыі. У 1965 року ён заснаваў у Вене аўтамабільную выставу «Шоў Ёхена Рынта», якое стала штогадовым і з 1970 року ладзіцца ў [[Эсэн]]е (Нямеччына).

Рынт пасьпеў паўдзельнічаць у будаўніцтве Аўстрыйскай трасы (цяпер [[Рэд Бул рынг|траса Рэд Булу]]) і [[Зальцбургрынг]]у.

На 30-ю гадавіну сьмерці ў Грацы адкрытая памятная дошка Ёхена Рынта.

== Сям’я ==
У сакавіка 1967 року Ёхен Рынт ажаніўся зь фінскай мадэлькай Нінай Лінкальн, дачкой гоначніка [[Курт Лінкальн|Курта Лінкальна]]. Жылі ў Швайцарыі пад [[Бэньен]]ем, мелі дачку Наташу, якой у час бацькавай гібелі было два гады.

== Заўвагі ==
{{Заўвагі}}

== Крыніцы ==
{{Крыніцы}}

== Вонкавыя спасылкі ==
* [https://www.formula1.com/en/drivers/hall-of-fame/Jochen_Rindt.html Ёхен Рынт] {{ref-en}} на афіцыйнай бачыне Формулы-1

{{Чэмпіёны Формулы-1}}
{{Бібліяінфармацыя}}

{{САРТЫРОЎКА_ПА_ЗМОЎЧВАНЬНІ:Рынт, Ёхен}}
[[Катэгорыя:Аўстрыйскія гоначнікі Формулы-1]]
[[Катэгорыя:Чэмпіёны Формулы-1]]
[[Катэгорыя:Пераможцы Гран-пры Формулы-1]]
[[Катэгорыя:Кіроўцы „Роба Ўолкера“ ў Формуле-1]]
[[Катэгорыя:Кіроўцы „Брэбгэму“ ў Формуле-1]]
[[Катэгорыя:Кіроўцы „Купэра“ ў Формуле-1]]
[[Катэгорыя:Кіроўцы „Лотаса“ ў Формуле-1]]
[[Катэгорыя:Гоначнікі 24 гадзінаў Ле-Ману]]
[[Катэгорыя:Гоначнікі Індыянапалісу-500]]
[[Катэгорыя:Гоначнікі Сусьветнага чэмпіянату спартовых аўтамабіляў]]
[[Катэгорыя:Аўтагоначнікі, якія загінулі ў гонках]]
[[Катэгорыя:Нямецкія аўтагоначнікі]]